55
10
3
4-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
30189987
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Recommended Dishes
1008 views
最近喺東京食過兩間燒肉 omakase，一間環境高級，另一間的裝修風格就同普通燒肉店差不多。話明係燒肉 omakase，兩間店子同樣由專業侍應負責幫客人燒肉，經驗豐富，控制燒肉火喉絕對準確。價錢係貴，但貴得合理；每塊牛肉都係不同部位的 A5 和牛，至今仍然回味無窮。香港也有十多間高級日式燒肉店，但由侍應席前前代客燒肉、提供燒肉 omakase的店子就只有三兩間。最近發現了【鞍下熟成肉】，位置不似其他高級燒肉店隱秘，燒肉 omakase 又竟然只係 $498，一於試試。尖沙咀地舖寸金尺土，燒肉店面積細小。要有效地用盡空間，小店前半部採用燒肉吧枱設計，後半較為寬敞的空間就佈置了大約4張四人餐枱。整體裝修格局比較普通，店內當眼處亦放置了一些雜物，唔似 omakase 燒肉店。標榜全部牛肉採用鹿兒島產薩摩和牛，亦沒有規定要每人一客 Omakase，客人可以選擇全部單點。Kurashita course ($498）總共有14道菜，其中有9道係不同部位嘅和牛燒肉；單睇套餐內容性價比超高，甚至抵食過日本當地的燒肉 omakase，實在非常吸引。既然第一次光顧，先試試 Omakase 最穩陣。當然，質素如何？就要試過先知！前菜三點：和牛他他 · 48小時慢烤 A5 和牛 · 柚子醋芝麻沙律 柚子醋芝麻沙律很普通，柚子醋太酸；勝在蔬菜新鮮翠綠，夠爽脆。48小時慢烤 A5 和牛名過其實，入口雖然較普通燒牛肉柔軟，但油香唔明顯，牛味普通。和牛他他選用赤肉部位，切成細粒而非刴碎。但似乎沒有預留足夠時間在室温環境下解凍，入口仍然偏冷，肉質亦有少許硬身。切粒口感及不上刴碎，加上選用的赤肉太瘦；入口唔夠軟糯、欠油香。即使加入日本名牌「蘭王」蛋黃，亦未臻完美。首先是3款薄切和牛：三筋(みすじ) 配柚子蘿蔔蓉 · 牛前腿肉 · 蔥綁牛舌芯三筋係肩胛骨內側部位的霜降肉，分量稀少，油花分布細密，賣相完美。兩面各烤3秒，入口完全不用咀嚼，肉和油完全溶化在口腔內；微熱的溫度剛剛好，肉汁及油香混和在一起的美味實在難以形容。牛前腿肉係赤肉，同三筋(みすじ) 比較，油脂分布明顯較粗疏，紅肉比例亦較高。入口肉香較濃，肉質柔軟，但口感有少許粗嚡。日本不容許出口牛內臟，所以香港所有日式燒肉店的牛舌只可以採用其他貨源，高級燒肉店就會採用澳洲和牛舌。話說回頭，在日本當地的燒肉店，如果要吃一客A5 和牛舌，可以貴過一客靚部位的霜降牛肉！烤了差不多20分鐘才熟透，原來係蔥花烤薄牛舌嘅進化版，用大大塊嘅薄切牛舌包裏著大量醃制過的蔥花。入口充滿蔥花香味，但醃料太鹹，味道濃郁得有點過分，完全掩蓋了牛味。另外，吃起來也不方便；牛舌有點煙韌彈牙，很難將牛舌紥咬開兩半，最後要將整塊放入口。第二輪是5款厚切和牛。雖然叫厚切，其實又唔算厚，只係一般日式燒肉嘅厚度；只有昆布熟成外腿肉的厚度才符合「厚切」的要求。由客人自己燒烤，沒有侍應代勞，未算真正燒肉 omakase。昆布熟成外腿肉配芥末籽 選用外臀肉(外モモ)，屬於黑毛和牛的極少脂肪部位，厚肉，有少許筋膜。廚師用昆布包裹，再用清酒慢煮五個鐘熟成，使肉質變得更加鬆軟，即使未燒烤前外層已全熟。燒烤後有點似厚切版本嘅前菜48小時慢烤 A5 和牛，肉味帶點臊，味道也差不多相同，只是多了芥末籽調味。赤身肉配喜馬拉雅粉紅岩鹽 是日選用了腰臀肉(ランプ)。肉味及肉質同外臀肉(外モモ)差不多相同，兩者同樣柔軟、油香較淡、口感有少許粗嚡。輕·霜降肉配燒肉汁 選用油脂豐富柔軟的牛肋肉(カルビ)，係最為普遍的霜降肉部位。入口油香鮮甜，兼有牛肉的鬆軟咀嚼口感。儘管燒烤過了火喉，仍然可以非常美味。鹽蔥漬赤身肉 是日選用了貝の身(カイノミ)，即中腹最接近腰脊的部位，兼具了霜降肉和牛柳的紅肉鮮味和柔軟度，呈現相當漂亮的霜降。原本預計可以吃到油脂的鮮甜兼豐富的肉汁，結果有點失望，雖然有適中油香，但口感稍硬、肉汁唔算多、肉味未夠鮮甜 ⋯⋯ 可能燒烤過了火喉，所以流失了肉汁？極·霜降肉配赤味噌柚子醬 沒有牌子，不清楚採用了那一個部位，但從細密油花的賣相，已肯定係更佳部位的霜降肉。入口果然更多肉汁、油香更盛，比輕·霜降肉的牛肋肉(カルビ)更好味。最後一道燒肉有兩個選擇：龜之子(かめのこ) 及壽喜燒西冷。已經吃了8件燒肉，相當飽滯，唔想再吃味濃的Yakisuki，所以揀了湯灼龜之子(かめのこ) 。奉客時已經在小碗內的牛肉注入清湯，而非席前用茶壺注入，美中不足。龜之子係和牛後大腿肉，屬於赤肉；肉質柔軟、脂肪含量低。口感有少許粗嚡，較牛前腿肉更粗糙；加上熱湯唔夠燙，未做到湯灼牛肉的要求。整體味道一般。主食四選一，分別揀了和牛味噌煮丼及薄切壽喜燒A5和牛蘭王蛋黃丼。和牛味噌煮丼味太濃，就算有隻半熟玉子，都未能調和鹹味。最好嘅壽喜燒當然要用大大塊A5和牛肉眼 / 西冷，這碗主食就只用了細塊嘅肉眼 / 西冷碎。用日式甜醬油浸醃過的薄切 A5和牛肉眼 / 西冷去燒烤，就係焼きすき，加上日本珍珠米煲成嘅白飯及蛋香濃郁、深橙黃色的蘭王蛋黃，是最美味的配搭。牛肉軟滑、油脂豐富，咀嚼下既有肉味、又有油香，配搭黏稠的蛋黃漿及白飯，實在好味道！只嫌醬油味道太濃，高鹹高甜，掩蓋了肉香。最後以甜品柚子雪葩配脆焦糖碎作為整頓燒肉 omakase 的終結。食得出 Kurashita course 的全部菜式都用上了日本和牛，但並非每一道牛肉都非常好味，部份赤身肉尤其比較失望，可能並非最優質的赤身肉部位，記憶中差過日本當地的高級燒肉店；霜降肉的質素就相當好。不過，綜合價錢考慮就冇得輸，抵食過香港其他同級日式燒肉店。下次再來，會積極考慮單點餐牌內的優質和牛部位。
continue reading
【絕對係牛迷必食超高質燒肉】今日黎到尖沙咀熱鬧嘅大街尋找牛魔鬼嘅福音🐂店舖比較低調，但的確係臥虎藏龍！由日本直接引入原隻A5薩摩牛，除咗可以食到唔少特別既部位，性價比亦係相當之高💯唔需要諗太多，直接黎一個Premium Course就岩晒🤩➷⚡️ ℙ𝕣𝕖𝕞𝕚𝕦𝕞 ℂ𝕠𝕦𝕣𝕤𝕖⚡️🪐 法式龍蝦湯侍應小姐先奉上龍蝦湯暖胃，唔會太過竭身，散發啖啖龍蝦香🦞亦唔會太腬加重之後嘅負擔👍🏼§🪐 壽喜燒風和牛他他 配 牛奶白吐司呢個都可以算係一個冷盤既前菜！和牛他他經過輕輕嘅調味，最靈魂都係用上蘭王蛋🥚蛋香十足，同呢個和牛他他好相襯😋加埋多士食就可以增加口感🍞§🪐 48小時慢烤A5和牛 配 洋蔥醬就算經過慢煮，和牛都依然保持嫩滑🤤牛香會比較重，洋蔥醬同溫室豆苗可以平衡返油脂，要一塊過夾埋一齊食就夠過癮😆§之後落黎就係一連串嘅燒肉主角，為咗大家可以品嘗到最佳嘅味道😋店員係會親自為大家落手落腳去燒🤩而且每一part都會講解，仲有牛牛構造公仔俾大家望住，咁你食緊咩部位都一目了然😉由赤身食到最重油脂，咁就唔怕一開頭食到濟咗食唔落之後既野喇🤓由於佢成個set都比較多款式，咁我哋就揀啲特別啲既同大家分享！🪐 極上澳洲和牛 - 薄切牛舌濃厚自家製京蔥醬夾在內裡，令到味道變得好有變化👍🏼牛舌係原條薄切，特別有咬口，仲會帶有少少筋位！🪐 薄切赤身 配 柚子醋蘿蔔蓉🪐 4%の奇跡 - 薄切壽喜燒風西冷 配 蘭王卵係頂級嘅和牛級別，能夠成為4% の奇跡 ，A5等級固之然係必須，而且BMS霜降度都需要達到10級以上😍開始感受到油脂嘅爆發🤭肉味突出，配上蘭王蛋可以減輕油膩感😋🪐 幻の部位 - BMS12牛柳扒 配 牛油蒜片醬油4%の奇跡都未夠喉，接住落黎就要加埋幻の部位🤩BMS係達到12級‼️可想而知當中既油脂係幾咁豐富🫢而牛柳亦係最佳既位置，肉質軟腍入口即溶化🫠加上經過3次燒浸醬油嘅過程，令到牛柳更加入味，無可取替💯🪐 厚切燒肉二品盛合🪐 醬燒龍王牛肋肉食到尾開始慢慢會降返落黎喇！雖然牛肋肉都係一個油脂較重既部位，不過佢既程度會列為輕霜降級別😌雖則係咁，但係入口都係爆油😆可以烘耐少少等啲油份再吸收，又或者連埋佢嘅芥末籽粒食，呢個醬汁好特別，係黃芥末籽漬物，有飛魚籽嗰種爽脆口感😍帶少少酸味，芥末香濃，用佢黎解膩係一流👍🏼🪐 湯引き - 亀の子帶有茉莉香氣既一個湯品混合咗昆布嘅清甜同牛肉所帶出嘅肉香，可以為食到飽飽濟濟既胃仔舒緩一下感覺清新不帶膩😌🪐 薄切壽喜燒風A5和牛蘭王蛋黃丼｜薄切壽喜燒風A5和牛冰鎖冷麵🪐 是日甜品➷今餐真係肥都抵呀🤤食之前記得要留定個大胃😆真係由頭讚到尾👍🏼➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼🔟🌟
continue reading
尖沙咀發現咗間好有誠意嘅食日式燒肉店🥓 餐廳位於人來人往嘅金馬倫道，地鐵站行過嚟都只係5分鐘 好易搵到！餐廳以啡木格調打造日系風格，一入去就見到好有日本居酒屋🍶feel 嘅吧枱位，入面仲有幾張卡位座，座位都好寬敞。店員都好友善，入座會先介紹餐牌和不同肉類係牛嘅咩部位，仲會有專人幫忙燒肉🥓😍店員表示厚身部位的肉肉，就可以由客人自己燒，好讓客人都可以有燒肉體驗（當然如果店員有時間都可以代為幫忙）真係服務超好🫶🏻我成日慣住食，真係好易燒焦咗啲肉肉，浪費晒啲和牛😵💫今次嚟呢度食，就唔洗怕喇🤭可以真正感受肉質嘅美味😋鞍下熟成肉係原隻薩摩和牛嚟㗎，所以有好多款罕有牛牛🐮部位之餘，最重要價錢好抵食，我哋點咗超抵套餐都只係$680🥢，要認真從新認識牛牛🐮🤤👑 Premium Course🩵前菜：法式龍蝦湯🦞龍蝦湯雖然細細杯，但入口真係好香濃，又熱騰騰♨️🩵壽喜燒風 和牛他他配牛奶白吐司🍞慢煮過嘅和牛他他撈勻蘭王蛋漿，再放上職員代為烘過嘅多士一起進食，岩晒怕食生牛肉既朋友，口感好特別。🩵48小時慢烤和牛🐮配洋蔥醬大大片嘅A5和牛經過慢煮48小時，肉味香濃，跟和豆苗一起入口好清新。師傅會安排好次序由肉味濃嘅赤身牛去到爆油花嘅霜降牛，慢慢真正欣賞牛嘅美妙🫶🏻💙8品燒肉🩵極上澳洲和牛-薄切牛脷👅嚴選牛脷中間位置，所以跟一般切牛脷方式不同，而係切割時由牛脷尖到脷底🤭職員代燒好後，在中間沾了自家製京蔥醬，放涼一會再一啖過入口，食到同以往不同嘅體驗，而且牛尖會較爽彈。🩵薄切赤身-柚子醋配蘿蔔蓉屬於牛前腿Clod部位，油脂分佈較少，食嘅時候沾上柚子醋和蘿蔔蓉，牛味香濃。🩵幻の部位 - BMS12牛柳扒 配牛油蒜片醬油店員介紹呢個部位係牛入面最Top, 脂肪紋理達最高等-12級 嘅A5 薩摩和牛，超級矜貴牛牛🤩🤩 相對牛肉味唔會好濃，又未至完全入口即溶，唔會好膩，店員燒得剛好，好食👍🏻🩵薩摩牛4%の奇跡 - 薄切壽喜燒風西冷配蘭王卵好奇請教店員由來🤭大慨原來係因為一年產量約13000隻牛入面只有4%達標，而得出呢個稱號🤭牛柳扒花紋真係無得頂👍🏻 店員好用心的反覆3次沾上壽喜燒去燒肉，食落唔會太甜，肉味都好重，而且好腍，真係唔用牙咬都可以散開😋。以下厚身部位通常客人大顯身手嘅時候：🩵厚切燒肉二品盛盒厚身部位油脂分泌較少，果然牛味香濃，店員還推介食之前可以沾酸酸甜甜嘅黃芥末子和煙燻鹽。🩵霜降醬燒龍王牛筋肉（切割了魚鄰邊）：以日式燒肉汁醃製過，燒到表面好脆，感覺仲好似搽左蜜糖咁，好好味喎♥️🩵湯印龜の子腿部較煙韌身位置， 不建議燒肉食，餐廳用上特別方式，以熱茉莉鏗魚湯加入，即時可以食用，剛好3成熟，入口柔軟😋🩵主食薄切壽喜燒風A5和牛蘭王丼🍚/薄切壽喜燒風A5和牛冰鎮冷麵🍜💚是日甜品綠茶雪糕🍵真心對日式燒肉認識多咗，係一個好好嘅用餐體驗，要分享俾多啲鍾意食肉肉嘅朋友👍🏻
continue reading
係尖沙咀金馬倫道有一間細細間嘅日式燒肉店，主打日本直送A5薩摩牛，食到嘅都係稀有部位😋❣️$580/person📍前菜及沙律 48小時慢烤A5和牛甜蝦 牛蒡 輕量版柚子魷魚沙律📍九品「日本一」燒肉盛合(一客）包含9款日本直送嘅A5薩摩牛同埋宮崎牛，仲有分厚切同薄切，當中包括左A5薩摩牛三筋配柚子蘿蔔蓉、A5薩摩牛後腰臀肉、後腰臀肉蓋、牛貝身、牛羽下，全部都係較重油脂感，鍾意和牛嘅油脂感嘅朋友一定要試下😎，另外怕你食燒肉太膩，仲有伴有鰹魚湯A5薩摩牛龜之子、A5宮崎牛壽喜燒片伴上蘭王蛋、仲有最後嘅蔥縛牛舌芯，牛舌芯入面包滿蔥，食完個口浸蔥味好耐都唔散😜😜📍八品野菜盛合食完燒肉再食下啲蔬菜解下膩都唔錯，有翠玉瓜、粟米及秋葵等8款蔬菜🥬📍香蔥溫泉玉子紫菜飯 有牛角飯嘅影子，呢幾款材料加埋一齊好難唔好食🤩📍是日甜品🏦是次消費總額 $2072.4（人均消費 $690.8） 🍴須加一服務費👅好味度：8.5（10分滿分）牛肉質素好高質，油脂感好高，全程仲有職員一邊介紹各款牛肉一邊幫你燒埋😎，美中不足就係個抽風系統不太好，一路食一路就好大煙😂😂
continue reading
在店主推介下我選了非常美味的和牛牛扒丼定食$99.-超美味香嫩，口感非常好！肉香！有肉汁！朋友選了全A5和牛燒定食只售$199.-超值！比想像中好吃，入口美味，令人非常開胃店員服務佳還細心講解如何燒和牛，由那一塊開始，從何燒起！為什麼！極力推薦👍🏻另外店主也推介了48小時慢煮a丼定食A5和牛丼定食，如喜歡吃生雞蛋，必食！48小時的慢煮功夫！廚師哥哥耐心製作！如果喜歡吃慢煮及吃得講究的，必試🥰掂！非常性價比高的午餐，極力推介比喜歡吃和牛或對牛情有獨鍾的愛吃之人！識飲識食之人快試吓！
continue reading
You may be interested in
-
Hakkaisan Japanese Restaurant Tsim Sha Tsui
-
Japanese Wagyu Yakiniku Pure Tsim Sha Tsui
-
Ordering 3 sets of set lunch to enjoy the 4th set lunch for free Hearth Yakiniku by ATUM
-
Dinner Reg Price 10% Off on A La Carte Menu (Monthly Recommend items & Beverages Excluded ) Black Wood Izakaya (Cameron Road)