牛禪燒肉日本料理 (Closed)

身邊總有朋友是位牛魔王，平時都會約埋一齊食牛，特別日式燒肉可以食到牛嘅原味。而牛禪不但可以食到和牛，更有其他刺身、壽司選擇，所以大家就相約呢到嚟個周年慶祝一下啦。洋蔥墨魚咀洋蔥爽甜，墨魚咀亦非常香口，加埋檸檬汁一齊食可以省卻油膩感。免治雞肉棒 雞肉嫩滑，雞肉棒 加埋軟骨令到口感更加有層次。五品刺身拼盤 包括有：金目鯛、赤貝、日本響螺、深海池魚、三文魚腩。金目鯛油脂豐富，食時更將魚皮表面燒燒，令金目鯛食時更加甘香。特上創作壽司拼盤 賣相精緻，而且仲有多款壽司。吞拿魚壽司非常新鮮，入口溶化。深海池魚壽司，魚質新鮮，非常爽滑。近江和牛盛宴基本上好似張成隻牛放係到食一樣，因為一個近江和牛盛宴已經可以食到近江和牛最好食嘅部位，牛舌、牛頸脊、牛肩、牛外胸腹、牛小排、牛臀肉、牛腿上肉等全部都會食到。餐廳更提供燒肉次序指示牌，可以按返近江和牛部位由淡到濃吃，先吃牛舌等等。和牛牛舌爽口，只要加丁點海鹽已經可以食到佢嘅牛味。而日本食法更可以配上日本米一齊食，相當地道。而個人極鐘意肉眼，因油脂相當豐富，每口都有幸福感覺，油份非常甘香。和風野菜沙律用料新鮮，食完燒肉食啲沙律真係一流，唔錯。蝦天婦羅天婦羅炸得鬆