禮 (打鼓嶺道)

Open Now

Now Closed

朋友係九龍城住，帶咗我去食呢間新開嘅日式串燒。裝修風格好和式，店鋪唔算大，有種小店經營嘅感覺，得兩個廚師同一個樓面。 ⭐️牛舌完全唔會咬唔開，的確厚切，牛味好香，爽口。⭐️極上豬腩肉一咬落去啲油脂香咇晒出嚟⭐️燒日式飯團飯團用咗珍珠米，搽咗燒汁係底面，有少少焦嘅感覺，加埋紫菜令層次更勝一籌。⭐️鰻魚飯鰻魚好淋，但係唔會一夾就爛，足足有成10吋長，鰻魚肥美，加上燒汁簡直完美配搭！送飯一流。⭐️雜錦天婦羅入邊有三隻蝦、南瓜、秋葵、紫薯同埋普通甜 薯。 蝦大隻，新鮮，彈牙。總括而言炸漿都好薄。最後而家like佢哋Facebook或者Instagram嘅話仲會送雪糕，呢個綠茶雪糕，入口好滑，抹茶味濃。