串Grill 自助燒烤專門店 (廣華街) (Closed)

最近天氣又涼番，好想BBQ，不過又唔想去到山長水遠。朋友提議去旺角食串燒放題！地點方便之餘，重點係有自轉燒爐！只需要將串燒放上爐就得！啱哂我地呢啲想懶又想食好嘢嘅人🙈入座後，店員先送上一個雜錦串燒拼盤，再介紹呢到嘅用餐安排，同自轉燒烤爐嘅用法。自轉燒爐除咗方便唔洗自己燒之外，食物可以更加均勻受熱，簡單講，靚過我自己燒。另外，燒烤爐係用電熱線發熱，所以冇咩油煙，唔會整到成身都係BBQ味🙌🏻有冇人同我一樣次次燒野食都唔係咁識睇火喉🤣成日唔知食物到底熟咗未，呢到就有張BBQ天書，list out哂所有食物所需要嘅時間，咁就唔洗估估吓喇！串燒種類都唔少，海鮮/豬/牛/羊/雞/丸/腸/蔬菜，甜品都有！最驚喜係，牛類方面有M6和牛牛柳都係任食！連調味料都有多款選擇：辣粉、孜然粉、椒鹽、海鹽、韓式梨汁燒烤醬，同埋泰式魚露。飲品放於雪櫃內，以自助形式自取；飲品方面有茶有汽水，仲有我最鐘意嘅荔枝紅茶。多款串燒入面，個人最鐘意M6和牛牛柳，肉質嫩滑唔韌，肉味香濃。牛舌亦都係必食推介，彈牙爽口。墨魚咀同雞軟骨食落脆卜卜，各有風味，兩款都要試！雞腎粒爽脆，丸腸類亦都比較特別，唔係一般貨色。甜品雞蛋仔同棉花糖都