串Grill 自助燒烤專門店 (廣華街) (Closed)

生日飯局，主角揀咗串串燒，第一次嚟呢間，地點方便。餐廳細細地，枱唔多，但係坐得舒服，有卡位。呢度係手畫落單order，唔使自己出去囉，飲品亦有多款選擇。選擇雖然唔係好多，但係兩個鐘加埋燒烤時間，都未必食得晒全部，食物質素都幾好，新鮮，服務態度好好，店員好細心講解，最開心就係呢度有棉花糖。都幾鍾意呢間餐廳，雖然細細地，款式又唔太多，但係店員貼心服務，雖然我哋超出時間，但都冇趕我哋走，仲俾我哋食埋蛋糕💕相比起我之前去大的串燒餐廳，呢度有另一種感覺，起碼唔使自己出去攞同人迫，值得一試。