Video
Read full review
2021-12-13
605 views
餐廳：共度一燒 (荃灣)地址：荃灣鱟地坊80-84號華成樓B座地下B1號舖記住要共最美的人分享每個夜晚，今晚你又同邊個食飯呢？我今晚就去咗共度一宵…指嘅喺荃灣呢間串燒餐廳 共度一燒 @nightbarbecue 呀😎原來佢哋大埔都有一間開咗5年幾嘅分店，不過就無得堂食，主打外賣🥡，而荃灣呢間新店7月先開，算喺佢哋第一間正式嘅堂食店🎊以光鮮亮麗嘅餐廳格調、新穎嘅餐廳裝修、舒適嘅餐廳環境打破傳統串燒店好大陣油煙味、好擠迫侷促同舊式嘅風格，不禁令我入到嚟以為去咗高級西餐廳🤣，老闆希望食客食得舒服而且唔需要趕急，期望比你喺到享受到每款用心去做嘅串燒食物🍢除咗串燒之外，佢哋亦有推出酸辣粉🍜，可以話喺餐廳嘅另一特色，啱晒食串燒驚唔夠飽嘅人🤓，而最平叫一碗單餸酸辣粉都喺$35。串燒有超過60款選擇，涼拌、肉類、丸類🍡、海鮮🦪、蔬菜🥬、炸物，算幾齊全，聽講嚟緊老闆會再為荃灣店加入新餐單，一於一齊期待吓啦😌為求保持食物新鮮，餐廳唔會預先煮熟晒所有食物，反而堅持慢功出細貨💪，每樣食物都新鮮即叫即燒🔥，所需嘅時間亦較長，所以大家叫完嘢食都要耐心等候期待一吓🤪今次我叫咗：✝️麻辣豬耳 $25/份✝️五花腩串 $2
地址：荃灣鱟地坊80-84號華成樓B座地下B1號舖
記住要共最美的人分享每個夜晚，今晚你又同邊個食飯呢？我今晚就去咗共度一宵…指嘅喺荃灣呢間串燒餐廳 共度一燒 @nightbarbecue 呀😎
原來佢哋大埔都有一間開咗5年幾嘅分店，不過就無得堂食，主打外賣🥡，而荃灣呢間新店7月先開，算喺佢哋第一間正式嘅堂食店🎊
以光鮮亮麗嘅餐廳格調、新穎嘅餐廳裝修、舒適嘅餐廳環境打破傳統串燒店好大陣油煙味、好擠迫侷促同舊式嘅風格，不禁令我入到嚟以為去咗高級西餐廳🤣，老闆希望食客食得舒服而且唔需要趕急，期望比你喺到享受到每款用心去做嘅串燒食物🍢
除咗串燒之外，佢哋亦有推出酸辣粉🍜，可以話喺餐廳嘅另一特色，啱晒食串燒驚唔夠飽嘅人🤓，而最平叫一碗單餸酸辣粉都喺$35。串燒有超過60款選擇，涼拌、肉類、丸類🍡、海鮮🦪、蔬菜🥬、炸物，算幾齊全，聽講嚟緊老闆會再為荃灣店加入新餐單，一於一齊期待吓啦😌
為求保持食物新鮮，餐廳唔會預先煮熟晒所有食物，反而堅持慢功出細貨💪，每樣食物都新鮮即叫即燒🔥，所需嘅時間亦較長，所以大家叫完嘢食都要耐心等候期待一吓🤪
今次我叫咗：
✝️麻辣豬耳 $25/份
✝️五花腩串 $20/串
✝️煙肉蘆筍卷 $22/串
✝️金菇肥牛卷 $20/串
✝️招牌牛舌芯 $28/串
✝️雞肉串 $16/串
✝️雞中翼 $18/串(2隻)
✝️雞皮串 $20/2串
✝️白鱔 $44/串
✝️雞脾菇 $14/串
✝️韭菜 $16/串
✝️蒜香茄子 $42/份
先嚟嘅喺豬耳，$25嚟講份量都算幾多，脂肪或者筋位唔多，咬落爽口而且香辣惹味，仲可以按自己喜好揀唔同辣嘅程度🌶；
金菇肥牛一咬就爆汁，相當juicy，整成一口size仲減少咗金菇太長而又煙韌到咬唔斷嘅情況，幾貼心💛；
煙肉蘆筍卷唔會得死鹹嘅味道，而喺用調味去帶出煙肉本身嘅鹹香，仲微微燒脆，加上蘆筍汁從中淺出，喺幾好食嘅😋
韭菜超級長，一串有成十幾廿條，拎起幾有surprise🎉；
茄子原條𠝹開煮熟再拎去燒同調味🍆，一疏疏嘅茄子肉拉起再放入口，多汁軟嫩仲有鮮明嘅孜然粉同蒜蓉香🧄，就算唔鍾意食茄子嘅人一試就會愛上，不過我就略嫌鹹咗少少🤏；
白鱔以慢火去燒，食落魚皮微脆，完全無苦或者腥味，肉汁豐富鱔香好出，而且肉質彈牙有咬口，唔似出面果啲燒得好腍但肥膩而無乜鱔味，或者大火燒一味得個脆字但食落苦澀，抵讚抵讚👍
整體嚟講等嘅時間其實同平時嘅串燒店差唔多，8-10分鐘食物就陸續上枱；
燒烤嘅火候掌握得唔錯，大部份食物都保持到原味同肉汁，唔會燒得過燶；調味適中，辣得過癮，唯獨有一兩樣就重手咗少少比較鹹。係咁舒服嘅環境底下食算幾高質嘅串燒真喺唔錯🥰
Post
