尚素 (Closed)

上網見啲食物賣相同評語都幾吸引，所以專登揾個星期六嚟試。呢間素食店可能想走高檔路線，所以連最普通嘅荔芋卷同芋頭魚都無賣，即時一點失望。我哋一行三人，最終點咗個二人套餐，另外再加咗個好多人推介嘅牛肝菌煎鮮腐竹。可能期望太高，所以失望越大；一上枱個真實賣相同網上推介嘅相出入都幾大😒而味道亦只係好一般兼太多油。咕嚕肉不論個汁，口感同味道亦都好麻麻。湯好飲！其他食物都係無乜特別。唯一值得一讚嘅係服務同環境都好好。惜整體嚟講，素菜嘅水準絶對未值收咁高嘅價錢！