薄荷葉泰國菜

Open Now

Now Closed

今晚我們去咗元朗劇院附近嘅「薄荷葉泰國菜」食晚飯！ 我們叫咗泰式生蝦刺身、招牌火焰燒鷄、 泰式炸蠔、芭堤雅燒海蝦、清邁蕉葉燒魚、越式紙米卷、 廚師推介-春卷、肉碎生菜包同薄餅！ 泰式生蝦刺身嘅賣相好吸引，生蝦非常新鮮， 醬汁嘅味道調教得恰到好處，令生蝦嘅鮮味更加提升， 鮮味十足！招牌火焰燒鷄嚟到嘅時候， 店員會喺人客面前倒啲酒落燒鷄嘅表面， 之後點火，燒完之後店員就會將燒鷄切件， 鷄肉有濃濃嘅酒味，皮脆肉嫩！ 清邁蕉葉燒魚嘅表面燒得好香脆同有少少燶， 但裡面嘅魚肉仍然相當嫩滑同充滿濃濃嘅香料同蕉葉嘅香味！ 越式紙米卷嘅生菜好新鮮， 外面嘅紙米包好煙煙韌韌，口感好豐富！ 肉碎生菜包嘅肉碎有微微辣，相當惹味，生菜好新鮮爽脆！ 薄餅嘅餅質好鬆軟，厚度適中， 就算唔加任何醬汁嚟食，都非常好味！係本人嘅必食推介！