勝香園

Open Now

Now Closed

好耐無食喇，之前想來食時又撞啱無開，再唔係就落雨，今次終於配合到天時地利人和食到喇！仲以為無來咁耐，人流無以前咁多，估唔到呢條街嘅人流比以前更旺，差唔多每間食肆門口都有人龍，好彩朋友早過我到，排住隊等，不過都要等一陣先坐得低，其實已經有幾個姐姐幫大家落單、執野同收錢，但點都要等一等先有人理你。今次點咗蕃茄碎牛蛋通粉，牛油檸檬汁蜂蜜脆脆同凍咖啡，最快來嘅係通粉，由於係搭枱，所以上野食時都有d混亂，大家要隨時留意住姐姐送咩過來，碗麵食到一半諗住追一追個包，都未講完，姐姐就話要等，雖然唔想阻住張枱都惟有乖乖坐响度等......