先小人後君子，講講佢地嘅安排座位機制，兩個字：混亂！🤦🏻♀️
既無登記、亦唔指揮排隊，任由客人係門口等，客人出聲查詢，仲被侍應當場叫「咪嘈」見客人面有難色，就180°轉變態度，其實就係驚被投訴，咁嘅服務態度真係唔掂！
雖然侍應服務態度好有問題，但佢地嘅粥品腸粉的而且確唔錯。
粥品都係生滾粥，可以從半開放式廚房睇到所有粥品都係即叫即煮。
粥底非常綿滑，艇仔粥亦係非常足料！魷魚、豬皮、魚片等配料樣樣齊，我甚至懷疑料比粥更多。
1
同樣地腸粉亦係廚房即叫即煎，所以等耐少少。腸粉皮食得出有米香，雖然係幾滑口，但略為太厚。叉燒餡料又非常足料！
整體味道係唔錯，但服務有待加強！
