50
21
8
2-min walk from Exit A2, Kwun Tong MTR Station continue reading
All Branches (2)
Telephone
3148 9488
Introduction
A brand under Ho Hung Kee and Tasty Congee, interior and food design are targeting the young market, still offer the famous congee and fried beef noodles. continue reading
Opening Hours
Mon.-Sun. 11:30-23:00
Payment Method
Visa Master Cash
Number of Seats
108
Signature Dishes
金華火腿母米粥火鍋 乾炒牛河 灑家雲吞麵
Review (80)
Level4 2016-11-20
1849 views
今日專誠出黎睇下apm一田有咩買,但空手而回,不過我梗係唔會比自己空肚而回啦~我地見灑家set lunch都幾抵,點心或腸粉2款,小菜1款,粥或湯麵2碗及菜1碟連2杯野飲都係238蚊,以食物質素同價錢黎講。上湯西生菜湯底清甜,西生菜碧綠新鮮,經上湯浸煮後更加美味,我都飲左幾啖上湯。灑家我最愛腸粉之一莫過於蝦腸,就咁睇已經垂涎欲滴,飽滿既大蝦於腸粉中藏不住其「玲瓏浮突」既身影。蝦肉爽彈不在話下,蝦肉處理得好乾淨冇蝦腸,實屬用心。腸粉皮薄滑嫩,亦彰顯出其蝦於腸粉白裡透紅。雲腿麒麟斑片整體不俗,但斑片煮得有啲過火,肉質少少老,金華火腿伴菜心,冬菇一來可以將金華火腿既清甜釋放係湯中,二來蔬菜又可以吸滿湯頭既香醇,一舉兩得。皮蛋炸蝦筒係灑家中我覺得最好味既點心。薄脆既芝麻外層,內裡鮮嫩蝦肉,滑彈既皮蛋及酸微微既紅薑非常夾,食唔停口。加料皮蛋及第粥粥煲得軟綿之外,肉丸更係手打而成,彈牙肉鮮,薄片的豬膶好新鮮,份量都好足,重點係煲既火侯恰到好處,食到豬膶既嫩度但又不失口感。粉腸食起黎軟滑又粉,腸衣十分有嚼勁。羊城麗灣艇仔粥用料亦不比加料皮蛋及第粥 少架~ 魚肉鮮甜,魷魚切得幼小但爽口,生菜清新,仲有海蜇添。野飲方面,蜂蜜生薑茶同柚子蜜都係幾好既選擇~ 兩杯都味道濃厚,飲落舒喉清潤。 continue reading
(The above review is the personal opinion of an user which does not represent OpenRice's point of view.)
Level1 2016-10-12
1598 views
食物方面都係普普通通,無特色又無乜風味貴唔在講,但係d 人又hea 又無禮貌,倒茶彈到你一身都係又唔理,叫佢地加茶又無咗回事,問佢地喺邊度俾錢又敷衍你,俾錢嗰陣問可唔可以分開收就話「我俾張單你地自己分」,我明佢地無責任咁做,但係就係express 得好差,你話如果係舊式粥舖我當然明食嘅係食物唔係服務,但你收咁貴仲收加一就唔係咁,等佢執!奉勸大家唔好去受氣! continue reading
(The above review is the personal opinion of an user which does not represent OpenRice's point of view.)
Level4 2016-09-21
2636 views
一碟好的干炒牛河,究竟是要符合甚麼條件 ?粉乾爽有咬勁而絕不油膩且條條上色均勻;醬油味不死鹹帶丁點的甜香;配菜如芽菜、青蔥以及洋蔥要多;牛肉件件揀手不韌仍存肉味及應有的質感;吃完後碟底是絕不會油淋淋肥膩的.....而且最重要的是要具備充足的鑊氣,不然的話就算前述的條件全然符合,最終都是枉然,不能成為出色的干牛河....您說能在哪裡吃到如斯有水平的出品呢 ? 答案就在這兒了....上面所述的有關出色干牛河的條件,眼前的這碟就已符合了其中大部份的。縱然一碟的索價絕對不菲 (起碼和普通茶記相比便是了),但如其食一點勞什子的劣質出品,那倒不如花多點錢去揀碟好嘢來嚐。又不是天天吃,那又花得了多少 ?何洪記旗下的招牌,除了干牛河之外,當然少不免一碗細蓉....麵是典型的銀絲細麵 ---- 麵質幼細有彈性帶煙齦。最重要是一點洗鹼不淨所帶來的苦味也沒有....湯頭不濁非常夠鮮甜,熬得出色....雲吞細細顆拖著散尾;肉饀內除了有蝦以外還存在著丁點的蝦籽及滑溜的豬肉。比例上是調控得很好....基本上左吃畢那碟干牛河後,小弟的肚子已飽了四分之三了....但最後我竟還猶有餘力再吞一碗細蓉下肚,由此可見其食物之高質了..... continue reading
(The above review is the personal opinion of an user which does not represent OpenRice's point of view.)
Level3 2016-07-19
2383 views
無聊工作不等待,懈怠玩樂好荒廢,可知珍寶非錢財,擊退陰霾心自在。同靚太在觀塘睇戲前,又要食嗰晚飯先,但時間並不足夠慢慢嘆,難揾位已成事實。而靚太選擇‘食碗粥就算’的決定,真令我老懷安慰,可稱是近年難得之快、靚、正、題意。但最終都是我的一廂情願吧。≪灑家≫以粥品及廣東雲吞麵作招來,在進注apm幾年間,其實力和出品也得到客人的認同。也因食材較好,所以價格會高一點,這是我願意見到的良性發展。“京都香炸醬撈麵”是靚太的首選,其次要食“豬潤粥”,最後來一個“咸菜胡椒豬肚湯”,始之謂啱啱好呀!各類食品也要我與她分享,真係關懷備至,怕我食而不足噢。而炸醬的材質十分充夠,用切絲的豬肉,可使質感柔軟滑溜,醬的甜度不高之餘帶着微辣,有傳統港式口味。但其餘兩樣就不過不失,不能帶給我喜悅,也因我唔要食得大雜亂,失去我的目標。“薑蔥雲吞撈麵”是我目標食物。因撈麵的麵之份量約是湯麵的雙倍,我有信心可填滿肚皮的空虚感。其次是檢測廚師選用薑蔥的鮮甜度,因為平常街邊粥麵店不一定夠膽做出新鮮生薑生葱之食物,而它被訛傳殺菌力量高,也早被科學否定。今次是達到了期望,薑不辛、葱爽脆,最好是蠔油分開上,此舉可應個人味蕾而自由添加來提升麵香。薑與葱自古以來是中國的特有天然保健物品,它不只價廉物美,還是一年四季也能生產,南與北所出的各有各口感及味道。在中國醫學理論中,它們對於面色蒼白、手腳冰冷人士的保健作用較好。生薑中的薑辣素進入人體内就能產生一種抗氧化酶,有很强的抗氧作用,也可稱抗衰老作用。葱含有豐富的维生素A、维生素C以及钙,有舒張血管、促進血液循環作用。另外,葱還可以刺激消化液的分泌,增進食欲。温馨提示:此店有各類小菜可供選擇,找個機會來試試。而湯麵之湯底非常精巧,有着六、七十年代的香味。 continue reading
(The above review is the personal opinion of an user which does not represent OpenRice's point of view.)
Level4 2016-07-13
2790 views
今日lunch係apm搵野食,第一次試呢間店。lunch時間都要等位 幸好都很快就可以入座了裝修都不錯,地方很整潔menu有很多頁的。但我只影了麵食及小食那幾頁。仲有粥,點心,炒粉麵飯。。。等等我跟友人每人點了一個麵食,再加了一份小食size不算好大。。好彩我叫了大碗。有4粒雲吞,但雲吞真是十分爽口彈牙,原隻蝦包在入面,份量十足但本人就不太愛那個麵,十分難咬,而且一舊舊咁,好難把麵分開。朋友的撈麵 好乾似的有兜上湯同蠔油比你自己撈。但由於麵都是一大舊,好難散開,進食時有點狼狽,而且味道都一般。始終自己撈,有點難控制。但就有6粒雲吞雲吞真是好好吃小份有8粒,如果大份就有12粒比一般食的鯪魚球大粒得多,少點油份。尚算可以。整體用餐尚算滿意。 continue reading
(The above review is the personal opinion of an user which does not represent OpenRice's point of view.)