篤篤船麵 (V Walk)

Open Now

Now Closed

星期日同老婆去南昌站v walk 食午餐，呢個商場已經嚟過幾次，之前都見過呢間餐廳，但都冇入過去幫襯 ，今次終於可以試一試呢間篤篤船麵， 裝修風格令人真係覺得好似去咗泰國咁， 我同老婆兩人分別叫了泰式豬八戒湯麵和自選三味湯麵。泰式豬八戒湯麵，入面分別有豬腩片，豬肉丸，扎肉，我哋要了檬粉和牛肉湯。 豬腩片冇乜味道，豬肉丸都算彈牙， 扎肉有少少辣味，湯底都好重牛肉味。自選三味分別選了炸魚蛋，牛腩，牛肚，金邊粉和彩虹湯(要加兩蚊)， 炸魚蛋吾彈牙，牛腩牛肚都係一般大路味道， 反而係個彩虹湯飲落有小小甜甜酸酸辣辣咁幾好味。2碗湯麵最好食都係個湯底， 但無論係粉麵還是餸菜份量都真係偏小。