星林居雲南米線餐廳 (Closed)

咁啱經過尖沙咀所以入去食米線，四五年前開始星林居曾經係我既飯堂，以前真係成日幫襯。但係今次啲米線真係少得太可憐，作為一個女仔連我食完都覺得唔飽可以再食多碗....同譚仔對比，譚仔米線份量係多星林居既3倍😑平時食譚仔我仲會叫少米線架.....🤷🏻‍♀️🤷🏻‍♀️🤷🏻‍♀️明白市道唔好，有好多餐廳都會偷工減料想減低成本，但係其實我估米線既成本唔會貴，一碗麵食左6啖就冇哂米線都幾誇張。餐廳入面都只係得個幾枱客，未食完個麵侍應已經企定定係你隔離等執個麵，其實都冇客啦點解仲要俾人一種你趕人走既感覺呢？如果連本身會黎食既客人都留唔住，以後仲點樣經營🤷🏻‍♀️唯一讚既就係時隔一年再食，依然味道不變👍🏻