福建菜都可以包裝到文青cafe咁🙊所以同朋友黎食生日飯！但整體食物都細份，性價比都有啲低😅😅😅但味道都唔錯！覺得一試不妨，但又唔會想再食😌
.
福建海蠣餅$98 (4/5)
個調味好香，又唔會太咸，個餅都幾實淨，但唔係好脆個種，似煎餅個種，但每塊都有海蠣🦪同香葱，好食！
.
廈門沙茶麵$138 (3.5/5)
上枱就有好香沙茶味，裏面有好多料，例如腐皮、魷魚、蝦、芽菜、蛋，而佢用嘅係油麵，不過加埋就唔算好大碗，男士一定唔夠飽😅😅同我覺得個沙茶湯底，可以濃味啲！
.
鐵板海蠣豆腐$118 (2.5/5)
成碟都幾多海蠣，不過好好好細粒，加埋豆腐送飯食都應該唔錯，可惜無白飯哎😌變左就咁食有啲唔知點😂有啲咸
.
福建紅糟雞$98 (3.5/5)
好香南乳味，但成碟餸就係只得南乳味，雞都幾滑，好入味，不過啲骨有啲碎，食個陣要小心啲！
.
綠豆餅$38(3/5)
蕃薯🍠芝士丸$48(4/5)
上枱個陣都暖暖地，綠豆糕都好軟身，但無話好香綠豆味，無乜特別。芝士丸都幾細粒，脆卜卜，加好香蕃薯同芝士味👍🏻👍🏻
