和牛燒肉‧純

尖沙咀多野食就係人都知，基本人你想食咩國家既菜都可以係呢度搵。適逢女朋友就生日，聽朋友介紹下嚟左呢間係尖東站附近的日式和牛燒肉餐廳，一向鐘意日本的我地，可以話係超級期待。另外值得一讚的係環境，一向燒肉餐廳比我既感覺係好大煙，但係呢度就算好多人，都唔會覺得有咩油煙，餐廳主要係以和牛燒肉為主，每張枱上面都有一塊鐵板，同埋有個鐘仔隨時叫職員都得，相信店主係餐廳設計方面下左唔少功夫。餐牌上面仲有介紹牛的不同部分以及食法，真係好有心機。餐廳所提供的和牛種類都十分多，每一個我地都想叫，經過一輪同女朋友的討論，最後決定左叫和牛、特選和牛牛排肉、豬五花肉、上牛排肉當然唔少得既就係和牛肉眼。前菜我地就揀左野菜醋物，食完好開胃，原本肚餓的感覺變到更肚餓，更期待主菜的和牛。一上菜，我地立即燒和牛肉眼，驟眼睇上去脂肪分佈平均，比例完美，燒至六至七成熟岩岩好，食落去有入口即溶嘅感覺，應該係因為油花沾滿牛肉上面，加上肉質軟嫩，一試難忘！另外，食既時候先知道，原來師傅係出餐前已經好貼心咁幫我地平均咁切好左，刀功好到係無辦法睇得出有切過的痕跡，勁！特選和牛牛排肉，肉較厚切，同肉眼一樣，肉上面的脂肪比例平均，所以食落好