Shake'em Buns (Closed)

睇一粒蘇一直想去試既burger。今日終於得「嚐」所願。真係慨嘆。「呢個先係burger。」得登同男朋友黎到星街呢間分店。鋪仔細細。得bar table。雖然油煙味多左小小。但好有美式風味。一埋位就即試叫左Missionary , Chilli Cheese Fries 同milk shake。先講個包。本人覺得好得。料足味美。$48食到個咁有水準既漢堡包真係一分錢一分貨。M記廿幾蚊求飽肚。Triple O's 幾廿蚊一般尚可。之前食過Ruby Tuesday覺得好食。點知呢度更勝一籌。至於另外個cheese薯條。本人就覺得一般。熱辣辣既時候都唔錯。不過d豆本人就覺得多餘左。個milk shake其實就好正宗。真係倒轉都唔郁既。不過我唔係咁鍾意咁"杰"既野。味就ok既。總言。我既感覺係食burger就一定冇死！薯條都可以一試。不過唔鍾意食豆揀普通好了。