牡蠣小屋

Open Now

Now Closed

呢餐真係食得好蠔，生、半熟、伓熟都食勻！我比較少過港島食飯，多謝老朋友們悉心安排。呢間位於銅鑼灣樓上舖嘅日式食店，面積唔算好大，大概兩三千呎吧，座位唔算多，不過真係好多人幫襯，我哋食頭圍 6 點都還好，8 點嗰 Round 勁多人。聽名就知，雖然係日本菜，但就以蠔主打，呢晚食咗生嘅生蠔，不過我覺得生蠔冇講得咁好，唔係好值。另有半熟嘅烤蠔，同平時深圳食唔同，烤到剛剛熟就上枱了，呢個抵食。同全熟嘅蠔火煱，唔夠可以加埋粥底，仲抵食。另外又叫咗啲串燒、魚生拼盤、刺身拼盤等等，的確係幾有質素，呢道嘅員工有接近一半都係講日文嘅，幾地道喎，之後又叫多支酒，每人就食咗成千元。