人生有限杯.串燒店

唉呀，同啲friend食飯，佢哋話想食串燒，話有間$10一串，叫我呢啲老人家去開吓眼界。我心諗：「十蚊有咩好嘢？」點知一試之下，真係唔講得笑。佢個鹽燒西班牙五花腩，燒到啱啱好，肥瘦均勻，肉味又香，真係食得出功架。
我哋叫咗好多款，免治雞肉棒配日本蛋，滑到不得了。個鹽燒牛舌芯，厚度夠，咬落去仲有肉汁，抵讚！佢個「有限杯之忌廉煮蜆」都好正，個湯底好濃郁，用嚟點蒜蓉包食一流。呢間嘢勝在價錢夠平，啤酒又買一送一，難怪鬼咁多後生仔女嚟。