，有時想搵間高質少少嘅酒樓，可以坐得舒服啲、食物質素好啲，都好似有啲困難。
吾係租約期滿結業了、就就要排等位等到懷疑人生
。好彩突然想起石門嗰邊有間酒店，人流又不是太多，即刻上 Openrice 搵下，果然係石門《萬怡酒店》有間《譽宴·星海薈》，見佢原本有多間分店添。吾使猶豫一於趁住半日假期，同埋仔仔去嘆番杯茶，食番一盅兩件
。
好好彩，可能今日落大雨關係，午飯時間去到也不用等候便有位了
。職員引領我到坐位上，檯面已經預好一盤熱水及夾，供客人洗杯碗。係疫情下呢個安排真係十分細心，讓客人食得安心又放心
。
除了基本點心選擇，仲有小菜，亦有午市商務套餐供應。當然亦有多款廚部小食添，真係花多眼亂
。
我哋只兩個人，吾想叫太多又食唔晒浪費食物，所以最後決定選擇幾款特色點心
。
呢款 「脆網蘿蔔絲腸粉」，腸粉皮滑滑厚薄均勻，中間夾著脆脆的蘿蔔絲，咬落又軟滑又鬆脆
，真係好驚喜。重點係放咗一陣，之後再食嘅時候，腸粉仍保持內脆外軟，師傅手勢一流
。
第二款最愛係「木魚花汁燒茄子」，上檯時只見茄子面鋪上大大片木魚，配上燒汁，咬一口茄子燒得剛剛好，與燒汁十分夾。而且原來茄子面釀上了彈牙鮮味嘅蝦膠，好好味呀
。
然後當然唔少飲茶必食嘅蝦餃啦
，呢度嘅蝦餃加有黑松露，所以係非一般蝦鉸。皮薄煙韌、餡料十足，配埋矜貴嘅黑松露，令到本來很出色嘅蝦餃更升華。
仔仔就至愛「薑蔥蒸牛柏葉」、「南翔小籠包」同埋「北菇蟹柳棉花雞」。
「薑蔥蒸牛柏葉」，牛柏葉每條粗幼切得很均勻。味道調得剛好，放入幼細薑一齊蒸，牛柏葉爽口不靭，阿仔食到連汁都撈埋
。
「北菇蟹柳棉花雞」，有好多魚肚超正。至於黃油雞就肉滑有雞味
。呢款傳統點心，都係我細個至愛。
「南翔小籠包」皮薄餡靚，一定要配埋薑醋汁一起吃才好味，入口肉汁混合薑醋汁，十分滋味。
