Wooloomooloo Prime

Open Now

Now Closed

今日係好朋友生日正日，專登早兩日book 枱lunch 黎食。店員好好，為我地安排一個窗口位之餘，又係一個好有私人空間既角落。呢道有lunch set ，包一個餐包，前菜，主菜，甜品同飲品。除左甜品外，我同朋友都係叫左同一樣的食物。前菜係蟹餅，雖然唔係晚餐時段個一個，但呢個亦都非常好食，基本上可以睇到整個都係蟹肉，沒有偷工減料或者混水摸魚。主菜就要左最貴既西冷，我個塊就order 五成熟，上菜時亦無令人失望。西冷比想像中厚而且好淋好有肉味。另外想講一下個個撈左紅蘿蔔的薯泥，雖然只係伴碟配菜，但入面應該撈左白松露油，令平平無其的薯溶變得待別。最後就係甜品，無論係蛋白脆餅定係焦糖燉蛋都好好食。擺盤令就一定架啦，兩款甜品都有試，兩個都唔太甜，蛋白脆餅好脆，配上好新鮮既生果；焦糖燉蛋份量比想像中大，燉蛋好滑。呢兩個甜品為今日既午餐畫上完美既句號。呢間一定會推介朋友再黎！