君子餐廳

Open Now

Now Closed

餐廳：君子餐廳地點：北角北角匯菜式：法國菜餐牌：行政午餐7選1，有意粉、沙律、意大利飯、肉類，價錢由$98至$158不等，包咖啡或茶，加$38有每日餐湯或者沙律。另外有一款午餐套餐，包前菜、主菜同咖啡或茶，可以加錢升級前菜或者餐飲，唔同主菜做唔同價錢。餐包跟銀魚蛋黃醬每人兩片外脆內軟法包搭配銀魚蛋黃醬。呢個銀魚蛋黃醬好香魚味，而口感滑溜，非常有特色。是日餐湯係南瓜湯，熱辣辣上枱。南瓜味好香，甜度適中，口感滑溜濃郁，內有驚喜爽口菇粒，面頭加上麵包粒同香草，麵包粒吸左個湯更好食。蟹肉伴意大利粉龍蝦汁 $128 另加一蟹肉伴意大利粉龍蝦汁好大碟，熱辣辣上枱。滑溜扁意粉撈有蟹肉，紅椒，青瓜，番茄乾同雜菌，材料豐富。個龍蝦汁味道適中而唔會過鹹，味道唔錯。香煎鯛魚配日式芥末忌廉汁 $238 另加一香煎鯛魚兩大片，煎得皮脆肉嫩。中間夾住幾條法邊豆，雜菌，翠玉瓜同紅椒，蔬菜量豐富。加有滿滿日式芥末忌廉汁，又滑溜又好味，下底墊有滑溜薯蓉，超滑。凍檸水凍檸水好大杯，每杯有三四片薄片檸檬，糖水另上，配有獨立包裝紙飲管。今餐食物唔錯，餐廳裝修好靚，感覺高級，窗邊仲有東區走廊海景。服務員服務態度良好。