Video
2-min walk from Exit A1, North Point MTR Station
continue reading
Telephone
55051115
Payment Methods
Number of Seats
46
Other Info
Online Reservation
Phone Reservation
Reward Dining Points
10% Service Charge
Above information is for reference only. Please check details with the restaurant.
About Reward Scheme
海景何價？喺北角匯，有間西餐廳叫Briketenia，最近改名為Brikete Bistro，主打偏親民嘅法國菜。餐廳有海景，更可以坐室外，而室內嘅環境都唔錯。今晚食嘅set dinner，包括頭盤主菜都有多款選擇，最平$258就得，性價比高。當然亦可以叫矜貴嘅日本A5和牛，則要$638。要注意餐廳會定期更新款式同優惠。銀魚柳蛋黃醬麵包呢個唔係普通麵包，銀魚柳蛋黃醬除咗提供蛋黃味，最重要係佢嘅酸度，令麵包好食好多。法式白酒煮青口青口大隻鮮甜，最重要係唔腥，醬汁除咗白酒其實有一定嘅蒜蓉味，好惹味。法式鵝肝焦糖燉蛋配田園沙律(+$48)喺鵝肝醬嘅上面鋪咗一層焦糖燉蛋，呢個係有功架嘅菜式，襯脆脆嘅多士，相當滋味。香煎海鱸魚伴蜆肉忌廉汁 (set $388)海鱸魚有兩大塊，魚肉質感幼滑，新鮮，忌廉汁亦係主角之一。另外佢有薯蓉墊底，唔驚食唔飽。蟹肉扁意粉配龍蝦汁 ($268)好多人唔知，襯蟹肉最好嘅意粉類別其實係扁意粉。我比較欣賞佢嘅龍蝦汁唔會特登做到好強，唔會冚過晒成道菜嘅味道。咖啡或茶嚟呢度對住個海景，配上呢度嘅柔和音樂。一晚，其實可以過得好快…
continue reading
今晚難得去咗北角食飯，朋友搵咗間對住個夜景食飯嘅餐廳呢間餐廳個位置有少少隱蔽，就係北角匯二期2樓嗰度，呢度嘅座位都坐得好舒服。同朋友靜靜地食飯傾吓偈唔錯。我哋叫咗Set dinner，包晒頭盤、主菜、小食先黎左個餐前小食 係餐廳自製既銀魚柳蛋黃醬配法包， 我幾鐘意佢個蛋黃醬，唔會太膩～ 好開胃～頭盤朋友選擇左白酒煮青口，佢嘅白酒味令到個青口一啲腥味都冇，而且仲幾creamy，仲有啲煙燻嘅味道，令到平時好少食青口嘅我覺得都幾正跟住我叫左鵝肝燉蛋，鵝肝味道濃郁，上面有少少果醬平衡返個味道。要加埋旁邊啲法包食口感更加豐富 。主菜我哋叫咗龍蝦扁意粉，龍蝦肉幾多～ 個龍蝦汁都好濃郁幾鮮甜，意粉口感幾好有彈性！ ❤️另外一個叫左慢煮西班牙豬鞍，感覺幾高質，好大份！😍 慢煮令到肉質比較軟腍，係幾好食嘅～ 仲有配埋少少奶油香味嘅薯蓉，簡直係絕配呢度用餐體驗幾好，坐得好舒適，環境又靚～ 下次經過會同啲鍾意食西餐嘅朋友再黎呢度食！
continue reading
講起呢間西餐廳，真係要同大家分享下我嘅食後感。燈光柔和，枱枱凳凳都擺得好企理，令人即刻放鬆晒😌 侍應先送上自製銀魚柳蛋黃醬拼法包，自家製果然唔同啲，口感順滑味道濃郁👍 再登場嘅係法式鵝肝焦糖燉蛋配田園沙律，嘩！個賣相已經贏晒，金黃色嘅焦糖面閃令令，忍唔住即刻要試下。一啖落去，鵝肝嘅香濃同燉蛋嘅滑溜完美融合，再加埋fresh嘅沙律菜，真係正到爆😋 跟住係法式生牛肉他他，呢個真係考功夫。牛肉切得夠幼，調味剛剛好，唔會蓋過牛肉本身嘅鮮味。加埋蛋黃撈勻，口感更加滑溜，食落去仲有少少洋蔥嘅辛香，令人食到停唔到口👍 主菜方面嘅蜆肉扁意粉配蘑菇汁真係冇得輸。蜆肉夠晒鮮甜，扁意粉咬落去有口感。個蘑菇汁香濃得嚟又唔會太膩，撈埋意粉一齊食，簡直係絕配😍 最後要講吓個慢煮西班牙豬鞍配雜菜及薯蓉，豬鞍煮得啱啱好，切開仲見到粉嫩嘅肉色，食落去juicy到不得了。令人食到lam lam脷😋
continue reading
君子餐廳北角渣華道123號北角匯二期2樓206號舖經開北角，老友推介北角匯高汁西餐，環境舒適，食材新鮮，果然冇介紹錯。😽餐包配銀魚柳蛋黃醬，酸酸甜甜好惹味。😘忌廉蘑菇湯口感軟滑，蘑菇味濃，配鬆軟麵包，好開胃。😋法式白酒煮青口面層加了紅椒，青口吸收了白酒和配料的精華，鮮味十足，層次豐富。😍慢煮西班牙豬鞍配洋蔥及薯蓉豬鞍口感煙韌，肉味香濃，酸酸甜甜的醬汁perfect match，薯蓉又香又滑，配菜新鮮爽口，好味道！😚香烤肉眼扒配薯蓉及小甘筍五成熟剛剛好，香氣四溢，口感鬆軟，肉汁豐富，吃到中段可以加芥辣醬和海鹽提升層次，配菜鮮甜爽口，大滿足！😻凍檸檬茶檸檬新鮮，茶膽香濛，冰底夠凍。😁君子餐廳 環境舒適氣氛好，食材新鮮高質，白酒青口牛扒正，侍應服務態度好，回頭率高。😎🤘🏻
continue reading
今天晚上， 我們去到 北角北角匯二期君子餐廳(北角) 晚餐。這是一間享有海景的高級法國菜 餐廳， 客人可以一邊用餐， 一邊 欣賞 維多利亞海景。晚餐套餐，首先上桌的是香脆的餐包，搭配銀魚柳和滑順的蛋黃醬，讓人開胃無比。接下來的前菜有兩道：法式鵝肝焦糖燉蛋，配上新鮮的田園沙律，口感細膩，令人陶醉；而法式生牛肉他他則以其獨特的風味，搭配清爽的沙律，讓人回味無窮。主菜方面，慢煮的西班牙豬鞍肉，融合洋蔥的甜味和滑潤的薯蓉，令人垂涎。另一道波士頓龍蝦扁意粉伴龍蝦汁，更是海鮮愛好者的夢幻之選，味道鮮美，令人一試成主顧。最後，兩杯餐茶，分別是凍檸茶和熱檸茶，為整頓晚餐畫上圓滿的句號，讓人感受到美食的無窮魅力。今天的美食之旅，讓我们感受到生活的美好。
continue reading