高街麵霸 (Closed)

又到開心星期五梗係去食好野啦。今日就黎到高街既高街麵霸，聽個名好霸氣食落果真名符其實😋佢係一間車仔麵懷舊小食店，食物款式眾多。當日我就叫左個豬紅，魚腐同酸齊刀削麵－佢個豬紅夠入味（唔係到到都咁入味架），魚腐OK酸齊份量大，個湯仲要腩汁底唔錯唔錯，佢仲有好多其他汁揀，一個人食都夠哂份量。小食方面就叫左個金華火腿碗仔翅，蒜蓉牛油雞翼同腸粉加蛋。因為碗仔翅可能放太耐唔夠熱所以覺得味道麻麻，不過佢既蒜蓉牛油雞翼真係無得彈－蒜蓉牛油比例一絕又炸得香口仲要好體貼地CUT一半容易食👍🏻，個腸粉加蛋仲要多醬多蔥實無死，總括全部我比滿分牙。唔錯唔錯搵日再食過😆