Video
Read full review
2020-07-30
640 views
今次想講下我呢個星期最後嘅堂食午餐～ 係我想食左好耐嘅北京填鴨🤩 已經成一年無食啦🥺～ 今次就book左古琴雅苑 同屋企人好好歎下佢個午市套餐😋⠀⠀👨👩👧👦午市全包宴-四人套餐A $668⠀⠀🌸桂花烏龍🍵⠀本身店員問我開咩茶嘅時候，淨係聽到好多花茶、玫瑰花茶同烏龍茶，無屋企人平時飲茶飲開嘅普洱，所以就求其叫左烏龍😂 佢黎到真係勁有驚喜🤩 桂花味勁清香又濃郁，而且無諗過同濃味嘅烏龍都好夾，不但無蓋過烏龍本身嘅香味，而且又令到個烏龍茶清新左好多，令人心曠神怡💗⠀⠀🍶花雕醉雞🐔⠀本人認為呢個係比較遜色嘅一個菜色～作為頭盤，雖然雞肉都好嫩滑，又夠瘦，無多餘嘅脂肪同肥膏～而雞皮都好薄身，又唔會有多餘嘅油脂🥰 不過我嫌佢花雕味唔夠重，食左第二啖同要睇一睇返menu先知佢原來係花雕醉雞～我覺得可以重返少少花雕酒味，咁會更加惹味😋⠀⠀💦蔥油海蜇拌黃瓜🥒⠀呢個係另一個頭盤，海蜇同青瓜佢都整得好爽口，青瓜更係爽脆😍 用左蔥油同埋芝麻令到成個冷盤香同惹味更多，而且亦無過油過鹹～非常醒胃🤩食完令人食慾大開，準備再戰main dish💗😋🍴⠀⠀🦆一口酥👅⠀食北京填鴨之前，佢就提供埋一口酥比我地食🙏🏻～佢其
⠀
👨👩👧👦午市全包宴-四人套餐A $668⠀
⠀
🌸桂花烏龍🍵⠀
桂花烏龍
14 views
0 likes
0 comments
本身店員問我開咩茶嘅時候，淨係聽到好多花茶、玫瑰花茶同烏龍茶，無屋企人平時飲茶飲開嘅普洱，所以就求其叫左烏龍😂 佢黎到真係勁有驚喜🤩 桂花味勁清香又濃郁，而且無諗過同濃味嘅烏龍都好夾，不但無蓋過烏龍本身嘅香味，而且又令到個烏龍茶清新左好多，令人心曠神怡💗⠀
⠀
🍶花雕醉雞🐔⠀
花雕醉雞
14 views
0 likes
0 comments
本人認為呢個係比較遜色嘅一個菜色～作為頭盤，雖然雞肉都好嫩滑，又夠瘦，無多餘嘅脂肪同肥膏～而雞皮都好薄身，又唔會有多餘嘅油脂🥰 不過我嫌佢花雕味唔夠重，食左第二啖同要睇一睇返menu先知佢原來係花雕醉雞～我覺得可以重返少少花雕酒味，咁會更加惹味😋⠀
⠀
💦蔥油海蜇拌黃瓜🥒⠀
蔥油海蜇拌黃瓜
10 views
0 likes
0 comments
呢個係另一個頭盤，海蜇同青瓜佢都整得好爽口，青瓜更係爽脆😍 用左蔥油同埋芝麻令到成個冷盤香同惹味更多，而且亦無過油過鹹～非常醒胃🤩食完令人食慾大開，準備再戰main dish💗😋🍴⠀
⠀
🦆一口酥👅⠀
一口酥
72 views
0 likes
0 comments
食北京填鴨之前，佢就提供埋一口酥比我地食🙏🏻～佢其實係烤到非常酥脆嘅烤鴨皮～餐廳提議我地可以點甜酸醬/糖食～ 個人覺得鴨皮烤得好香脆，無多餘嘅油份，但食落口卻有烤鴨嘅油香味🤩另外，其實佢係脆到入口即溶，而且同甜酸醬真係絕配🤩⠀
⠀
🐤北京烤填鴨（半隻）+鴨卷餅🌮⠀
北京填鴨
16 views
0 likes
0 comments
⭐️⭐️重點黎啦⭐️⭐️ ⠀
book佢嘅時候其實都已經研究過到時叫邊款菜式，當然唔少得佢嘅招牌菜北京填鴨啦😍 ⠀首先黎到嘅時候已經烤鴨味已經芳香撲鼻😋 北京填鴨烤得又係皮脆肉嫩🤩 又係無多餘嘅油脂，但亦都唔會烤到乾巴巴好柴咁～佢依然燒到鎖緊肉汁，一咬落口啲肉汁爆曬出嚟😍又juicy又油香味滿滿，齒頰留香💗個人覺得質素真係幾高🤩🤤⠀就咁食唔點醬都非常滋味😋⠀
佢係附送埋包皮，所以可以整片皮鴨黎食🤩（等左好耐啦！）佢有京蔥、青瓜、同哈密瓜比你夾住同烤鴨一齊食🤤 講真真係第一次食片皮鴨係夾哈密瓜😂⠀但係其實又唔會好odd喎😳香甜爽口嘅哈密瓜加青瓜烤鴨連埋烤鴨醬同包皮黎食真係fresh勁多同冇咁dry🥰 我覺得咁樣無咁容易食到飽滯😂⠀
⠀
❤️同埋其實佢半份嘅北京填鴨份量係勁多！好多片，我諗有20幾-30片～之前無諗過半份都有咁多，仲驚唔夠食叫多左半份......結果多到要打包😂 而包皮一盤都有12塊，感覺都比其他京菜店嘅多😳⠀
⠀
💦 開水白菜🥬⠀
開水白菜
13 views
0 likes
0 comments
一開始真係以為係白烚白菜仔😂 好彩原來係雞湯津白🥰 湯底勝在夠清夠健康，無味精無添加咁，而津白都索哂湯汁嘅精華，好入味💗⠀
🧡紅燒獅子頭🦁⠀
紅燒獅子頭
7 views
0 likes
0 comments
首先個紅燒汁都幾有味同幾香蠔油味，亦唔會過鹹～其次個豬肉球都幾有咬口，都算彈牙～無一夾就散🥰 肉質都算鮮嫩有肉汁，都無柴皮～而且配菜同獅子頭都燴入哂味～⠀
⠀
🦆古琴鴨肉炒飯🍚⠀
古琴鴨肉炒飯
17 views
0 likes
0 comments
呢個係無expect過咁好食🤩 炒飯不但炒至金黃色，而且亦無過油，炒到飯粒同蛋粒都粒粒分明🥰～而鴨肉就係用左北京填鴨啲鴨肉去炒～所以成個炒飯好香烤鴨嘅油香味。除左烤鴨肉粒，佢落埋啲烤鴨皮去炒，因此會喺飯入面食到脆皮😆⠀
⠀
另外最特別嘅地方係：佢加左啲四川大頭菜去炒🤩我真係第一次食呢種菜～呢種菜味道真係幾得意，佢係有少少欖菜嘅鹹香味但又無欖菜咁重味～加左入炒飯真係令到個炒飯嘅味道昇華咗好多同香好多，口感多重且豐富～就算食飽左都令人食指大開繼續食🙈 最後我地都清哂左佢🥰⠀
⠀
🇮🇹 意大利黑醋骨🖤⠀$98⠀
意大利黑醋骨
18 views
0 likes
0 comments
其實都無諗過京菜竟然會有呢道fusion菜😂 其實我好個人本來唔太鍾意黑醋因為之前另一間餐廳係整得太酸...但佢呢個黑醋整得反而係偏甜😳 自己其實覺得還可以，因為排骨又唔韌，外皮都烤得香脆，而且都尚算入味～不過屋企人就嫌佢太甜而無左黑醋嗰種酸味🙈⠀
🥟南翔小籠包🥟 $62 ⠀
南翔小籠包
5 views
0 likes
0 comments
小籠包都皮唔算太薄但勝在餡靚🤩🤩包入面都有好多鮮甜嘅湯汁🥰而肉餡同湯汁都食唔到有味精味～所以一啖連埋餡食，啲肉汁喺口入面爆哂出黎😍嗰個感覺真係覺得好juicy好滿足🥰⠀
⠀
其實overall都覺得北京填鴨同埋個鴨肉炒飯最好吃😋果然係間出名食鴨嘅地方🥰兩道菜啲鴨肉都冇腥羶味😍但散發住陣陣嘅油香味😋真係名符其實食北京填鴨嘅好地方😆 ⠀
佢午市都有做午市外賣套餐，見$50-$60就有個飯😍其實尖沙咀地段黎講都叫抵食嫁啦🤩 尖沙咀嘅打工仔可以不妨考慮吓～⠀
Post
