爆汗串串 (Closed)

朋友好鐘意食辣野，今日就同佢去左一間食成都麻辣串串放題既餐廳食返夠本！呢度既串串放題只要$168，優惠時段更加低至$128，抵到爛！唔單止所有串串係任食，連小食同甜品都係任食，野飲任飲都只需加$30。我地首先就點左啲小食先，呢個棒棒雞係我既至愛，雞肉好彈牙，而且有好多芝麻醬，加埋啲青瓜絲好refreshing啊！仲有呢個成都滷水雞翼尖都好正啊，雞翼尖夠腍，亦都好入味，encore左幾次啊！重頭戲黎啦，我地點左好多串串，啲串串放入麻辣湯底入面，一邊食一邊流汗，但又好滿足！食咁辣既野食當然要配返凍冰冰既野飲啦！仲有任食冰粉啊！其他小食都好正！