爆汗串串 (Closed)

爆汗串串，33款選擇，包括有牛肉、牛根丸、千層肚、雞軟骨、肥腸、豬皮、五花肉、魷魚、花枝丸、魚片頭、炸魚蛋、貢丸、魚皮餃、娃娃菜、椰菜花、西蘭花、腐皮、煙肉金菇、秀珍菇、白蘿蔔，每款食落都好新鮮。爆汗牛肉麵麻辣湯底，牛肉肉質嫩滑，牛味濃郁，麵條口感爽滑，容易掛湯，麻辣湯底味道正宗、多麻少辣。鐘水餃，皮薄餡多，食落好Juicy，味道香辣。成都老冰粉，冰粉口感滑溜，味道香甜，表面鋪滿芝麻、酒釀、山楂片、提子乾，整體食落口感好豐富。

今日很想食辣野。於是想買一個小食回家吃見到價錢也很抵食於是多買點蓮藕脆脆地味道不太咸比三哥好食拍頁好好味很爽口不過不慣食生的娃娃菜 甜品好好食，很解辣很似涼粉加提子乾

明明系放題自助食串串……次次叫加野飲同小食，個女人都好唔情願。……黑面，愛理唔理。7:15要還台，6:40已經開始催，要清台，味道系OK，但好味服務態度又好的餐廳，香港大把。

唔知點解咁多like，去食係有次見到小紅書好多人推薦（點解呢），又好想食下啲四川風味嘢。不過唔會再去。首先係個阿姐係而家疫情期間竟然不顧食客健康，等一個唔知37點幾度嘅人入嚟。間嘢好細，兩個人食係搭檯feel同另外兩個人只係相隔一塊紙板。食食吓有個男人坐咗喺隔離但出邊個女人就遲遲唔入嚟。原來個女人溫度太高，個阿姐就叫佢喺出邊抖抖，比水佢飲，叫佢坐到溫度低返就入嚟。個阿姐仲俾個男人叫晒嘢食喺度等個女人，當然個女人係個阿姐咁照顧下係成功入咗嚟。如果個女人有事，間鋪頭咁細就全部賴嘢啦！對一個有肺炎可能嘅女人咁周到但就唔理現場所有食客健康第二係重用竹籤。一睇就知重用，每串得一兩粒。上面話齋，一個人瀨嘢，全部瀨嘢。最後就係半個鐘先上到一次菜。串串放題，但係加單嘢食真係等半個鐘，廚房似得一個人，全場加單都等到有怨言⋯⋯好幾檯等到不如走。阿姐其實態度好好，好take care每檯，不過哩個時勢冇衛生常識好大件事。味道方面就正常，過下癮一次咁嘅遭遇唔會再去....

突然好想食啲有特色嘅菜式，揾揾下就揾到呢間係廣華街附近嘅餐廳。好彩我同朋友預早book咗位，之後已經見到好多人係出面排緊隊。我哋大概19:15入座，每位$168+1，可以食到21:30。如果要飲品就另加$30，所以其實埋單每人都要$220左右。食物選擇唔算多，質素一般，有得叫埋小食。雖然食完既籤不斷增加，但每次每串得一粒，每人每輪只可以叫兩串，有啲唔夠喉。湯個方面，我哋叫咗小辣，辣度適中，但不斷重用第一輪碗湯，所以後來碗湯又凍又唔辣😂Overall雖然有gimmick，但食落真係有啲普通，性價比唔算高，用咁既價錢suppose食到更高質既餐廳。

I see food and I eat it一向都鐘意食川菜既我最近收到風旺角有間爆汗串串好正我決定去試下先爆汗串都幾特別 佢川菜形式既放題佢每個時段限兩小時今次個辣我揀左微辣去試佢每次叫係兩串起 同埋佢係將所有串燒用一個大碗裝住上 好特別食落口微辣都叫ok 唔係話太辣老闆娘都好貼心 佢話如果唔夠都可以幫我加到去中辣或者大辣比較特別既係佢有胡椒豬肚麵呢個真心正 食完成個人暖哂Remark大家最尾可食返個冰粉解辣同埋又可以下火@hkstixonfire@stixonfirehkLocation: Mong KongPrice (10 is expensive): 5/10Yummy (10 is delicious): 7.5/10

小菜串串還好吃，棒棒雞不辣，像是芝麻醬調製的，辣腐竹和絕味的很像,無骨雞爪好好吃，不過對我來說有點辣，朋友賊喜歡毛肚，他吃了2份！再說串串，我覺得大體上不算差，在香港能吃上這樣性價比極高的還是不錯,然後19:30和21:30後只要128➕1，不過飲料大家要注意一下，不包含在裡面喔！

見到ins有推薦呢間嘅串串放題，都幾好奇喔，串串仲可以放題？終於琴日去左一試。品種都算多，有串串、面、冰粉同埋小菜，可以食2個鐘，都算耐，可以慢慢食。味道都幾唔錯，尤其推薦牛肉、蘆筍、土豆，仲有蕨根粉。唯一唔足就係，如果要野飲，仲要額外價30蚊。

🥢旺角$128 起任食麻辣串串🥢呢排多左屋企食，好耐無出去食辣野，經過一間麻辣串串，外面睇好似無咩人，檯有高身隔板分開，感覺乾淨，所以一於試下🥢$128起任食麻辣串串+$30任飲(需加一）🥢串串款式有三十幾款，每人一之次最多點2串，今次叫了中辣，中辣的感覺比較不太辣，而且油份落得少，應該是遷就香港人口味食得健康，亂咁點了一些串串，方便一口一串有菜有肉，質素正正常常啦🥢其他還有5 款粉麵提供，點了火鍋粉，豬腸麵，牛肉麵，蕃茄麵，感覺味道幾好食，麵質同之前食的小麵一樣，辣度比串串還要辣些🥢小食有十款，蟹子沙律，無骨鳳爪，麻辣牛骨髓，鐘水餃，蒜泥青瓜，牛柏葉，個人鐘意食牛骨髓，因為底下墊有響鈴腐皮，吸曬辣汁🥢冰粉就真係唔係幾正宗，切到一粒粒，而且比較硬身似果凍好實口感，糖水過甜🥢整體感覺不過不失啦，$128時段食還ok ,因為自己無睇清楚時間差15 分鐘，每人相差$40,入到去要$168位， 飲埋野每人人均$200 ,有點覺得唔抵，應該只此一次,下次睇清楚時間先入座

小食推介蒜泥青瓜🥒無骨鳳爪🌶蟹子沙律🥗店舖嘅必試冰粉串串🍡🍡🍢🍢佢有分幾種辣度，我食嘅系中辣。好享受嗰種越食越辣嘅感覺。🌶🌶🌶餐單上嘅串串基本上都點齊試過晒，味道唔錯但款式比較普通所以我唔多作介紹。有幾樣我認為係必食推介嘅有1.雞軟骨2.萵筍3.五花肉。

無下次！！第一次試呢個辣串火爆， 因為上個星期見到個單張好吸引, 而且媒體亦都講到佢呢度係香港首創嘅冷串串， 所以今日特登嚟想試。 一吋得一粒/舊, 食完就refill落個碗度, 即係由頭食到尾你只係得一碗辣汁 ， 有冇火興返碗嘅， 唔怪之得佢話冷食啦。味道方面我覺得係用一個汁浸住啲牛丸，魚蛋，肉丸。。 冇乜特別嘅感覺。 最弊佢話最出名係豬大腸，但係我食完一口之後，豬大腸還有騷味，好差呢度係任食放題兩個鐘，我係九點後入座， 價錢為129元一位， 再加30元任飲放題， 連加一每人一百七十五元， 旺角還有很多地方選擇， 抵唔抵就見仁見智！但係， 我覺得一點不衛生的是，竹籤竟然循環再用， 超級唔衛生！無下次！

從來無估到原來串串都可以放題！之前去完重慶食咗串串之後就～念念不忘！但係香港又好難搵到，朋友推介我去食呢間正宗成都麻辣串串放題就係旺角！多款正宗四川食品，成都風味的麻辣串串2個鐘任飲任食放題，而且款式多到數唔到🙈食辣野點少得解辣飲品，飲番杯豆漿就冇咁辣嘅感覺💕 每個竹籤串起一至兩件食物，擺在秘製麻辣湯中，辣得過癮！如果食唔到辣都可以要豬骨湯唔一定食辣嘅人先可以幫襯💕成都香腸有少少聯想到蠟腸，魔芋好煙韌，另外仲有牛肉、五花肉、特色千層肚、肥鵝腸、魷魚、黃喉、鴨舌等～我都試過曬！萵筍同埋千層肚不能錯過，魷魚好爽脆～仲有其他配菜例如棒棒雞、鴨血等，都絕不馬虎❤️如果唔夠飽仲有主食，但我就真係食唔落啦～下次去食啦！最後真係要食返碗冰粉解辣啦～凍冰冰咁真係好爽！

平時勁鍾意食麻辣火鍋嘅我永遠都要等到一大班人先有得去食因為兩個人又食唔到好多款式今日就比我搵到一間少人都可以食嘅麻辣串串•餐廳係放題形式用平時食麻辣火鍋嘅價錢食到更加多唔同嘅種類有多款串串可以揀🥦🥩🍖湯底非常之正宗🤩•如果怕唔夠飽仲有多款小食同埋粉面都係任食🍜所有嘅小食都好有成都特色我最鍾意食佢嘅無骨鳳爪非常之入味 又唔使吐骨🦴

今日同朋友來到呢間爆汗串串, 平時喜愛食重慶串串的朋友可以過嚟試下, 因為呢度係可以任食嘅最貴都係一百六十幾蚊加一. 首先講下呢間舖頭唔算大, 大約廿零人就坐滿. 所以都係建議早少少去. 呢度有任食串串嘅款式眾多, 仲有小食, 麵類可以任叫, 加30蚊仲可以任飲, 唔任飲都可以叫佢畀茶水. 叫小食就最快到, 所以可以點都係啲小食先. 每樣小食都好好食, 我有幾鍾意佢個棒棒雞, 即係芝麻醬青瓜雞肉, 清新得呢又唔油益. 叫完串串之後就要揀辣度, 當然唔夠辣嘅話可以加辣, 但係就唔可以調返轉減辣. 第一round佢會有盆辣湯汁執同埋串串一齊上, 之後如果再加串串的話佢會直接放落現有個盤辣湯汁度. 特別推薦牛柏葉, 墨丸, 魷魚同埋牛肉, 整得好食. 另外可以叫娃娃菜, 會索曬啲辣湯汁, 超正. 今次就冇試麵食, 因為食串串都食到飽. 另外記得嗌佢甜品, 好似酒釀啫喱咁, 會有驚喜.

今日黎到食食爆汗串串放題，大家可以按自己鍾意食辣嘅程度而選擇大中小辣BB辣或者豬骨湯，由於我唔係好食得辣嘅關係所以今次就叫咗Bb辣，食物方面有好多選擇，我今次就叫咗成都小香腸、鴨舌、海帶、腐皮、雞軟骨、金菇腐皮卷、魚皮餃等等，因為係任食嘅關係唔夠可以再叫👍🏻，而金菇腐皮卷同雞軟骨我就係咁encore😆而小食方面叫咗滷水雞翼尖、青瓜雞絲、、酸辣無骨鳳爪等等，另外推薦大家一定要叫老冰粉，超解辣我自己都食咗幾碗😂