何蘭正當然唔止環境裝修靚，食物方面亦都非常有水準。
當晚walk-in 去到得返bar枱位，我地當然唔介意啦，因為bar枱可以望住bar tender 調酒。
佢哋個menu都好靚，皮質cover做咗何蘭正嘅壓花。
連餐巾都大大個正字
由於天氣太熱，我地一坐低即刻叫左兩杯啤酒 LITTLE RICE 同 SI L DAN，聽個名都好攪鬼😂。LITTLE RICE味道偏向fruity，較淡亦較易入口。SI L DAN酒味較濃，口感清爽，消暑一流。
頭盤叫左 順德風情雙籽三文魚他他配香脆雲吞皮，呢個真係正到不得了，三文魚籽加魚粒本身已經非常鮮味，配埋有少少辣嘅雲吞皮口感非常豐富，層次突出，我覺得係必食之一。
另一道叫左 香煎澳洲和牛臉配沙爹金姑汁櫻花蝦煎腸粉，和牛臉肉非常腍，沙爹汁夠杰身非常野味，煎腸粉索晒啲沙爹汁更加不得了，食到停唔到口。不過呢個都幾漏，多啲人share食會好啲。
埋單時店員遞左張卡俾我，原來食夠$50就可以儲一個印仔，儲夠10個可以免費換一杯咖啡。
