大喜屋 (Closed)

尋日同媽媽兩個去好出名既大喜屋享受下親子時光，其實總體黎講並冇傳聞中好食。我地一坐低時侍應啪一聲放低2杯茶，其實可以有禮貌少少吧。。。之後我地點左魚生，天婦羅同一燒物。魚生其實大致上冇乜野，畢竟都係入口野，新鮮的話基本上都好食，甜蝦鮮甜，要讚的！但天婦羅同燒物就出事了！天婦羅真係好細件，而且吸油功夫做得不足，攪到滿口油。。而且天婦羅醬汁應該比多點啦。。因為天婦羅真係好易吸收曬汁！而且茄子可能厚切問題，炸得不太熟！燒物就有2款要彈，就係羊架同牛仔粒，兩樣都燒得太熟啦，而且好咸，我食2啖已經開始痴牙！我寧願佢落少鹽，特別我媽媽上左年紀，真係接受唔到咁咸。服務黎講算ok既，但侍應都唔太主動，收碟效率唔高，食到後期攪到成野。。希望店主可以改善下啦，費事好既口碑慢慢變差，下次有時間會再黎試下有冇改善。