Video
Read full review
2021-03-08
93 views
最好網上預早一至兩星期卜位。今次星期日夜晚黎食，決定搏一搏早到walkin!友人1615到場拎飛，前面已經有至少十幾人排緊隊。有三輪可以揀：5點/7點/9點。第一輪1930前離座最平；星期六日公假就+$10。到叫我地入去差不多1710，而所有walkin既飛已經派晒！裝修靚 地方大 雖然多人 但座位唔逼 同隔離枱都有距離。記得入場前先登記會員（門口有qr code！），有兩張coupon, 一係九折，一係就免費鴛鴦鍋。之後可以儲分，$5當一分，好似200分起可換野食咁。揀九折就係當冇收10%服務費～揀左最貴果個餐 送果兩粒和牛牛丸真係好好呷！對比返係自助區拎既普通牛丸真係差太多了！勁彈勁有口感重牛味！每樣野食都好食 野飲又特別 又多選擇建議大家係自取區拎菜，醬料，飲品就夠了，丸阿其實落單叫果啲特別啲仲好。依個價錢真係性價比極高！除左牛肉，特別推薦花雕雞件！個雞淥耐左麵係咁滑又有花雕香。王子麵！（係自助區取）台灣既公仔麵，又係淥耐啲啲麵質麵唔會淋，反而係仲入味左！仙草凍（最後落單既甜品），好足料又花生又珍珠又紅豆！好想賺下佢地啲員工，每次收碟都好有禮貌，好主動加水，收碟（會著件唔同既背心
友人1615到場拎飛，前面已經有至少十幾人排緊隊。有三輪可以揀：5點/7點/9點。
第一輪1930前離座最平；
星期六日公假就+$10。
到叫我地入去差不多1710，而所有walkin既飛已經派晒！
裝修靚 地方大 雖然多人 但座位唔逼 同隔離枱都有距離。
記得入場前先登記會員（門口有qr code！），有兩張coupon, 一係九折，一係就免費鴛鴦鍋。之後可以儲分，$5當一分，好似200分起可換野食咁。
揀九折就係當冇收10%服務費～
揀左最貴果個餐 送果兩粒和牛牛丸真係好好呷！對比返係自助區拎既普通牛丸真係差太多了！勁彈勁有口感重牛味！
每樣野食都好食 野飲又特別 又多選擇
建議大家係自取區拎菜，醬料，飲品就夠了，丸阿其實落單叫果啲特別啲仲好。
依個價錢真係性價比極高！
除左牛肉，特別推薦
花雕雞件！個雞淥耐左麵係咁滑又有花雕香。
王子麵！（係自助區取）台灣既公仔麵，又係淥耐啲啲麵質麵唔會淋，反而係仲入味左！
仙草凍（最後落單既甜品），好足料又花生又珍珠又紅豆！
好想賺下佢地啲員工，每次收碟都好有禮貌，好主動加水，收碟（會著件唔同既背心）同上菜既員工係分開，講究衛生
今次食到勁飽超級滿意特登早到排隊都會覺得值（當然預早卜位就最理想啦）
Post
