和牛燒肉‧純

非常之難得咁好嘅心情，細佬佢話落班之後可以車我去食我最中意個烤肉，仲未落班，我就已經見肚餓喇，可能系想快啲食到烤肉吧，而且都好耐無同細佬見面啦，其實上個星期見過，哈哈哈，唔夠吖嘛！首先見到餐牌度，拼盤嘅話就系$580,價錢尚可，而且內容好豐富，特選日本產和牛就$780，應該系更加之上等嘅，環境好幽靜下，我好享受，而且就連醬汁我都覺得製作的好精緻咯，前菜系一碟嘅沙律，沙律醬好好味，裡面系咩都有曬喇，我同細佬就邊食邊傾，好愜意。專登點嘅三文魚刺身，三文魚表面嘅紋路好清晰可觀，而且每一塊都系差不多厚度，大小一致，三文魚光澤度好足，新鮮度簡直系爆棚吖，入口細膩爽滑，一共幾件都俾我食咗成大半，委屈細佬、重頭戲$780嘅特選日本產和牛拼盤，日本牛和好出名，肥瘦相間之間帶著新鮮嘅光澤，一份兩個人食都足夠啦，烤完之後嘅肥肉就將啲多餘嘅油揮發咗，剩抵最精華部分嘅脆口和牛，入口簡直系好似融埋條脷咁，好好食吖