Video
Read full review
2011-04-01
13 views
此店與添好運同屬米芝蓮一星,其實兩者無論價錢,服務,食物質素都差唔多,分別在一點心坐得舒服啲,位與位之間冇咁窄,而且食物份量比添好運多,可說是大件夾抵食.味道方面,以這個價錢來計,絕對入得口有餘,路經此店,記住幫襯.鮮蝦腐皮卷熱辣辣好好味,腐皮炸得鬆脆又唔油.餡料味道啱啱好,唔會太鹹.籮蔔糕就冇添好運做得咁好,冇籮蔔嘅清香,粉多籮蔔絲少,比例唔平均,所以唔係太好味.葱花蝦米腸做得唔夠薄同滑,太厚太粉.口感嘛嘛.此店嘅馬拉糕做得好過添好運,唔好睇佢樣衰衰,其實味道ok,做得好鬆化,如果甜度減少少,味道會更佳.菜乾鹹骨粥味道普通,勝在唔會過鹹,有冇落味精就唔知,起碼食完唔會發渴.鳳爪排骨飯同北菇滑雞飯味道ok,調味方面唔會太濃,排骨同雞肉尚算嫩滑,送上嚟時熱辣辣,唔落豉油都好味.蝦餃方面就冇添好運做得咁好,個皮唔夠煙韌,一夾就爛,餡料冇鮮味,唔係太好食.
鮮蝦腐皮卷熱辣辣好好味,腐皮炸得鬆脆又唔油.餡料味道啱啱好,唔會太鹹.籮蔔糕就冇添好運做得咁好,冇籮蔔嘅清香,粉多籮蔔絲少,比例唔平均,所以唔係太好味.
葱花蝦米腸做得唔夠薄同滑,太厚太粉.口感嘛嘛.
此店嘅馬拉糕做得好過添好運,唔好睇佢樣衰衰,其實味道ok,做得好鬆化,如果甜度減少少,味道會更佳.
菜乾鹹骨粥味道普通,勝在唔會過鹹,有冇落味精就唔知,起碼食完唔會發渴.鳳爪排骨飯同北菇滑雞飯味道ok,調味方面唔會太濃,排骨同雞肉尚算嫩滑,送上嚟時熱辣辣,唔落豉油都好味.
蝦餃方面就冇添好運做得咁好,個皮唔夠煙韌,一夾就爛,餡料冇鮮味,唔係太好食.
Post
