Sabatini 意大利餐廳

Open Now

Now Closed

🐑龍蝦比較細隻-白水烚有少許老身，但係彈性仲有嘅。紅色膏打卡靚仔D，但膏偏硬而且冇乜味，綠色膏比較軟身有味，睇下你鍾意邊樣🐑磨菇忌廉湯-湯香Cream味，做得唔錯椰菜花、西蘭花-蒜片炒，好惹味🐑燒烤魷魚-最吸收炭火香味🐑燒烤魚-冇得太多調味，食番魚本身嘅味道，但今次麻麻🐑燒烤豬扒-望落好似好乾身，食落其實好腍滑，而且Juicy🐑燒烤腸仔-畀老婆食咗大半，我唔夠喉，要再encore 🐑煙三文魚-唔太咸，呢樣幾好，可惜缺乏油潤，乾咗少少🐑Risotto-飯還飯、餸還餸、汁還汁，都唔搭檔。就算將所有嘢撈勻一齊食都食唔到有意式risotto嘅感覺，飯又煮到熟晒，似食中式碟頭飯多啲。🐑長通粉用番茄同肉碎嚟煮，基本茄味足，但同全盛時期佢地嘅意粉已經爭好遠，以前最得手嘅嘢而家唔係好惦檔，有啲可惜。🐑相比嚟講，今日呢個主菜銀鱈魚就好味好多。一上枱已經飄來陣陣魚香，魚皮煎得夠焦脆，配菜亦好好味。我認為咁樣嘅出品先至對得住Sabatini呢個招牌。