割烹 櫓杏 (iSQUARE國際廣場)

Open Now

Now Closed

前幾日過開嚟尖沙咀食嘢，見到呢間好似幾吸引所以想試吓，今日又要出嚟尖沙咀，特登過嚟試一試！入去之前都有望過個Menu，覺得午飯時間抵食啲，所以都係決定午飯時候過嚟幫襯！今次由於疫情關係，揀咗熟食！而係芸芸嘅熟食當中，揀咗樣每日得5份嘅吉列和牛定食黎試！就咁睇張相好似好豐富，所以好吸引！但係嚟到嘅時候，其實係有啲失望。可能我坐喺壽司枱嘅關係，張枱唔夠位放個盤，所以店員係要將啲食物一碟碟再放喺我枱面，食飯體驗已經好似冇咁好。要留意嘅係，杯嘢飲係要另外加$20先有。另外右下角嗰個係我另外加$38點嘅竹筒豆腐。吉列和牛揀咗五成熟，但係上到嚟其實冇張相咁靚，同埋感覺上都好肥下。不過呢個吉列和牛係幾好食嘅，可能都因為夠肥所以好林，而且好重牛肉味。另外想讚下佢個甜品，跟餐嘅甜品係意料之外嘅好食，但係因為估唔到所以冇特登影相。而麵豉湯同埋前菜就非常失望。蒸蛋亦都好普通甚至係屬於中下水平。不過就要讚下呢個竹筒豆腐，非常非常非常非常非常之重豆腐味，而且好滑，下次嚟會再叫。（甜品就係喺竹筒豆腐後面嗰細碟）個豆腐嘅口感有啲似奶凍。但係如果比我再揀，我都會選擇試其他餐廳先。有進步空間。