六両三 (Closed)

今日去到尖沙咀諗起好耐都無食過台灣野，搵一搵發現到有一間係度，所以同朋友走入去試下，我叫左一個滷肉飯同蘋果西打，蘋果西打絕對係食台灣茶必飲，朋友就叫左個川味紅燒牛筋麵同 薑母茶。個滷肉飯個外觀好好，味道都好唔差，因為有時去到其他地方食滷肉飯會由於滷肉唔夠令到碗飯食到最後好難頂，依碗份量夠。絕對唔錯。蘋果西打就唔駛講，去台灣都會見過佢，係台灣出產的好東西。牛筋麵d料好足，而且唔會好難整斷，食落口感都好好，不過朋友就覺得油了一點，不過佢唔記得左佢叫既係川味，所以味道會比較重，但我就覺得ok，由於朋友覺得油，整返杯薑母茶就fit曬止一止。總結黎講想食下台灣牛肉麵既，絕對可以試一試。