Video
Read full review
2017-08-20
3668 views
嚟到星期六 Family Day，加上兒子放暑假，又是一家人外出搵食嘅好時機。上星期去咗旺角食日式放題，今個禮拜就決定回歸港島區，而這次目標就是近年大行其道的台式任食火鍋。事緣早前友人到訪了尖沙咀厚福街嘅「101 手工涮涮鍋」，嘗了店裡嘅極上「吃到飽」套餐，回來後說吃得極之滿意，還推介我一定要帶家人去試試。不過由於當時小伙子還沒考完試，所以決定暫時將餐廳放入 Wish List。最近從網頁得知，店子喺銅鑼灣開咗分店，嘩！啱曬我這個港島人，一於拉埋家人去嘗新。 餐廳座落於登龍街金朝陽中心 2 期 29 樓全層，踏進內，店面呈長方形，地方幾闊落，而且大部分以卡位為主，很適合講求私密度的情侶或三五知己，邊吃邊飲酒嘻哈。另外店子亦設有露台，如果有興趣的話，也可以出去對住維港夜景飲吓野，傾吓偈，不過其實坐在餐廳入面，也可透過窗邊的落地玻璃遠眺海景。拿起店員遞上嘅 A3 餐牌，「手工涮涮鍋套餐」供應時間分為兩個時段，頭輪由 6:30pm 至 8:45pm，而尾輪就由 8:55pm 食到 11:30pm，價錢每位 $388，另外每人要收醬料 $10。至於項目就包括有兩款任食前菜、主菜鍋底、每兩個人一
餐廳座落於登龍街金朝陽中心 2 期 29 樓全層，踏進內，店面呈長方形，地方幾闊落，而且大部分以卡位為主，很適合講求私密度的情侶或三五知己，邊吃邊飲酒嘻哈。另外店子亦設有露台，如果有興趣的話，也可以出去對住維港夜景飲吓野，傾吓偈，不過其實坐在餐廳入面，也可透過窗邊的落地玻璃遠眺海景。
拿起店員遞上嘅 A3 餐牌，「手工涮涮鍋套餐」供應時間分為兩個時段，頭輪由 6:30pm 至 8:45pm，而尾輪就由 8:55pm 食到 11:30pm，價錢每位 $388，另外每人要收醬料 $10。至於項目就包括有兩款任食前菜、主菜鍋底、每兩個人一碟肉類、火鍋拼盤、即炸響鈴卷拼即炸魚皮、無限任食 50 多款火鍋料、紅白酒、雞尾酒、珍珠奶茶等任飲及甜品布丁。如果想食海鮮嘅話，就要每位另加 $58。
揀好食物後，趁鍋底未到，可以先行混醬。店裡的醬油，花款雖然唔多，不過大路嘅蔥花、炸蒜、芫茜、紅椒、生蒜等，樣樣有齊，客人可因應個人喜好，自行調校出心中醬料。
馬上開餐，前菜有秘製麻辣木耳同手工麻辣麻醬手撕雞，兩款都可以無限追加。以個人來說，較愛手撕雞，入口微辣清新，頗開胃，不過由於要留肚吃主菜，故淺嘗即止。
鍋底方面，其實選擇都幾豐富，共有10 款，2 至 6 人可選一款，而 7 人或以上則可選兩款。揀了台灣沙茶雞涮涮鍋，先嘗雞件，沙茶味雖然唔算好濃，不過肉質幾嫩滑，而且除了雞肉外，鍋內還有不少配菜，包括番茄、雞髀菇、金菇、紫洋蔥、豆卜和娃娃菜等，分量十足。
吃完鍋後，立即加湯打邊爐。肉類方面，每兩位可選一碟，有手切安格斯 Prime Grade 牛頸脊肥牛片、西班牙伊比利亞黑毛豬肉片、西班牙伊比利亞玫瑰黑毛豬頸肉三款可供選擇。揀了頭兩款，牛頸脊肥牛片油花分佈平均，嫩滑重牛味，加上被湯汁洗禮過，吃起來特別惹味。至於黑毛豬肉片，水準亦不俗，肉質柔嫩富嚼勁，食落帶點油甘香，好味！
拼盤方面，有101 特選手工火鍋拼盤或台灣夜市火鍋拼盤兩款可供選擇。前者手工拼盤共有 8 款火鍋料，包括墨魚汁鳥結糖，太極冬菇、安格斯霜降牛丸、三重芝士鮮製蝦丸、黑松露蟹子海鮮軍艦、黑松露蟹肉餃、黑松露芝士豚肉餃、三重芝士鮮製墨魚丸。墨魚汁鳥結糖最正，用上手打墨魚滑混入墨汁、冬菇粒、墨魚粒和雞軟骨粒等炮製而成，口感極之豐富，令人印象深刻。另外兩款混入了車打芝士和巴馬臣芝士搓成嘅三重芝士丸，質素亦不俗，不但鹹香濃郁，而且爽口彈牙。
至於台灣夜市火鍋拼盤，食物亦非常之大堆頭，有滷水豬耳、腎片、大腸、牛肚、滷水蛋、鹽水雞翼、九份紫薯芋圓、地瓜芋圓及紫薯水晶包等。牛肚灼過後仍然爽口，食落酥軟有彈性；而軟熟的大腸亦煙韌有咬口，不過講到最出色，當然還是身形圓碌碌嘅紫薯水晶包，入口質地綿密，帶點流沙感，加上外皮厚薄適中，紫薯味亦夠曬香甜，非常討好！
另外手工即炸響鈴卷拼手工即炸魚皮方面，要特別推介響鈴卷，非常之巨型，足足大過平日食嘅兩倍有多，而且由於是即叫即炸，所以新鮮熱辣，食落脆卜卜，真係無得輸。
仍意猶未盡？其實店裡還有50 多款蔬菜、麵類、丸類和餃類等，可供任食。隨意剔了幾款，個人覺得，火鍋配料當中，白鱔片和鱈場蟹棒最值得推介。鱔片晶瑩剔透，切得厚薄均勻，加上肉質夠結實，既清甜又啖啖肉，怕魚骨的人就最適合不過。另外足有 8 吋嘅鱈場蟹棒，亦屬回本必吃首選，長得嚟仲夠曬彈牙。
任飲方面，選擇勁多，酒精類飲品有雞尾酒、紅白酒、生啤；而非酒精類就包括有倒插沙冰系列、水果冰茶系列、盆栽奶茶系列、熱飲及樽裝汽水等。飲品全部都大大杯，而且造型非常突出，用嚟呃 Like 一流。
甜品一人一客，有木糠珍珠奶茶布丁、木糠香芋奶茶布丁兩款，布丁面頭灑上木糠及Oreo 碎，入口好滑溜、帶濃濃嘅茶香。臨走前再出露台行一轉，華燈初上，夜幕低垂，景色比之前更加迷人，能欣賞到如斯美景，絕對是人生一大樂事！
以定價來說，每位收費 $398，跟同區火鍋店比較，雖然不算十分便宜，但以此環境、食物質素和服務餮嚟講，確是物超所值。
Post
