Video
Read full review
2020-02-27
68 views
上次食過呢間台式火鍋，係食嗰個椰青三黃雞鍋好鮮甜好好味，覺得值得Encore，所以幾日前再試多次上次見promo所以試特別嘢，今次就試返普通嘢先原來仲有麻辣鍋、酸菜白肉鍋、美人鍋同養生鍋揀咗美人鍋，寫住膠原蛋白好似幾啱我哋啲女仔食美人鍋入面材料有烏雞、黨參、北芪、杞子、紅棗仲有啲冬菇粟米蔥等最緊要係超有骨膠原嘅桃膠，份量都唔少湯底味道好濃郁，有啲藥材味，烏雞滲咗啲味落湯度食埋舊桃膠感覺好補通常呢啲火鍋都係飲幾碗湯先會真係食火鍋飲品我哋揀咗抗菊露同櫻花茶前者似菊花茶，好清香甘甜後者似蜜糖茶，好香甜專登叫碟鹽酥一口豆腐做小食最啱等食嗰時食住先炸得恰到好處，外脆內軟表皮脆卜卜，豆腐好滑溜叫咗碟美國梅花豬肉點解叫豬肉唔叫牛肉？因為平啲囉！火鍋湯底本身都200，所以食呢個會化算少少加上平時食親都係牛，今次就食豬雖然要淥耐啲，等耐啲，不過豬都唔錯吖有啲油花，幾嫩身，入口好香蘸埋沙茶醬仲正我真係好想知佢啲沙茶醬邊度買平時打邊爐真係買唔到呢種質感嘅沙茶醬一係好沙一係好稀，呢個係有沙有茶得嚟好綿密墨魚丸好軟同彈牙，爭咁啲墨魚粒否則就好完美食火鍋一定要食啲菜嘅平平哋叫咗碟唐生菜去吓豬肉啲油膩感驚唔夠飽就試
好鮮甜好好味，覺得值得Encore，所以幾日前再試多次
上次見promo所以試特別嘢，今次就試返普通嘢先
原來仲有麻辣鍋、酸菜白肉鍋、美人鍋同養生鍋
揀咗美人鍋，寫住膠原蛋白好似幾啱我哋啲女仔食
美人鍋入面材料有烏雞、黨參、北芪、杞子、紅棗
仲有啲冬菇粟米蔥等
最緊要係超有骨膠原嘅桃膠，份量都唔少
湯底味道好濃郁，有啲藥材味，烏雞滲咗啲味落湯度
食埋舊桃膠感覺好補
通常呢啲火鍋都係飲幾碗湯先會真係食火鍋
飲品我哋揀咗抗菊露同櫻花茶
前者似菊花茶，好清香甘甜
後者似蜜糖茶，好香甜
專登叫碟鹽酥一口豆腐做小食
最啱等食嗰時食住先
炸得恰到好處，外脆內軟
表皮脆卜卜，豆腐好滑溜
叫咗碟美國梅花豬肉
點解叫豬肉唔叫牛肉？因為平啲囉！
火鍋湯底本身都200，所以食呢個會化算少少
加上平時食親都係牛，今次就食豬
雖然要淥耐啲，等耐啲，不過豬都唔錯吖
有啲油花，幾嫩身，入口好香
蘸埋沙茶醬仲正
我真係好想知佢啲沙茶醬邊度買
平時打邊爐真係買唔到呢種質感嘅沙茶醬
一係好沙一係好稀，呢個係有沙有茶得嚟好綿密
墨魚丸好軟同彈牙，爭咁啲墨魚粒
否則就好完美
食火鍋一定要食啲菜嘅
平平哋叫咗碟唐生菜
去吓豬肉啲油膩感
驚唔夠飽就試試個台式王子麵
有啲似平時香港啲一丁麵
係香口啲，無咁油膩
啲麵質好索湯，掛晒湯
最值得試係呢埋千張豆葉紙
真係超得意，開頭睇到都唔知自己叫過
睇落勁似一張又一張紙巾
拍埋落張紙巾度真係有幾分相似
但淥完之後好驚喜
只需淥一淥就OK，似響鈴嘅食法
唔能夠淥得耐，一耐就淋晒無咁滋味
入口有少少煙韌感，淥完仲好順滑
有啲似腐皮腐竹嗰類
原來食物都唔可以齋睇外表
P.S.入到嚟職員第一時間幫我哋消毒先
都算有做足抗疫衛生
呢方面都OK，呢排比較注重
Post
