老鍋台式火鍋 (京都廣場) (Closed)

憶念台灣的味道，暫時仍未可以飛去台灣，唯有搵番間台式餐廳食番餐台灣美食止下癮。今次試下呢間新野，餐廳位於銅鑼灣京都廣場2樓。裝修十分精緻，每個卡座都好有自成一角的感覺。環境帶有古色古香，天花掛有很多天燈的吊燈，如置身於台灣九分十分一樣。我自己點咗份自選午餐《麻辣養生湯配米線》。養生湯底加有杞子和紅棗，鍾意佢個湯底入口很香甜帶微辣。更驚喜嘅係材料超豐富，有魚肚、貢丸、蟹柳、魚皮餃、蛋餃、木耳、鴨血、魚腐、腩肉、雞肉和蔬菜。啱曬我呢啲鍾意多餸嘅人。《鹽酥雞拼滷肉飯 》，呢個滷肉飯同平時食開有少少唔同，佢係純肉碎，沒有加入冬菇粒嘅。然後配有一整隻滷水蛋，滷肉汁香濃，再加埋鹹香酥脆嘅鹽酥雞，又惹味又十分好送飯。追加咗小食《台灣蒜香腸》，切片煎香上枱，可以share 食。呢隻台灣獨有嘅腸，食到台灣路邊小檔的味道。飲品分別試咗《沖繩黑糖烏梅汁》，對身體好，多喝有益。《冷泡白桃烏龍茶》茶香消暑，係阿仔至愛。餐廳設有自助醬油調味區，提供蔥花、芫茜、蒜蓉、豉油等供客人自助取用。