你妳 (運通洋樓) (Closed)

好耐冇食台灣野啦，見到荃灣呢度開咗一間食台灣芋泥好出名嘅，你妳一定要去試下。台灣牛肉湯麵 $72牛肉湯底味道香濃，麵質爽口彈牙，牛肉淋身牛味重。台式滷水雞扒滷肉飯 $76雞扒肉質嫩滑，仲有半個流心蛋，滷肉飯味道岀眾，有台灣風味肉鬆芋泥吐司 $40肉鬆同芋泥味道好夾，吐司亦整到外脆內軟，推介！芋泥珍珠小芋圓 $39勁足料！有鮮芋泥、珍珠、小芋圓，味道不會太甜。手作紫芋牛奶 $39牛奶同鮮芋泥撈埋一齊唔會太甜，口感豐富。仙草2號 三色芋圓 色餡芋圓 小丸子 紅豆 $46勁足料，全部都咬落去煙煙韌韌，特別係色餡芋圓，入邊仲有鮮芋泥。