羅東肉焿番

Open Now

Now Closed

好想去旅行，好想去旅行，好想去旅行。重要嘅嘢要講三次。講完都係去唔到，唯有去住一間Authentic嘅台灣餐廳過住癮先。呢間餐廳以台灣嘅肉焿作為招徠，你嚟到會見到兩個鋪位都有唔少人食緊。我同女朋友一場嚟到，就試咗一碗肉焿米粉小辣，同一杯涷白桃烏龍茶。食物幾分鐘就嚟到啦，個湯幾夠熱，湯嘅質地比較git，似碗仔翅咁，少少鹹味帶啲醋嘅酸味。米粉嘅份量足夠，有啲炸蒜，筍絲同芫荽。肉有4大舊，少少硬咁，不過唔肥。味道唔錯。另外杯白桃茶就正正常常OK啦。呢度價錢可以嘅。