店鋪位置唔難搵，但入面座位唔算太多，繁忙時間就可能要等位。
首先佢會比menu你入去坐，然後再出去買飛，之後就坐定定等佢送尼。
兩個人淨係order左一個13吋pizza, 無記錯係Canadian(因為係朋友出去買飛) ，先講配料，個茄汁真係好得，同佢介紹講得一樣咁無得輸，肉方面都好合理，佢總共有10款pizza揀。
之後真係要講講餅底，脆就一定，同埋佢烘到小小燶個味道真係食番以前喺外國食到既味道，同埋佢喺介紹度講過d麵粉發酵好耐，食落唔頂胃唔會滯，果然無誇大，真係食左半個都無頂住頂住既感覺，非常值得要翻食。
見到隔離枱叫左d意粉，賣相都好好。
唯一建議改善係個pizza可以再熱辣辣d就更好，佢送到枱都係微熱。
2
