飲茶 (Closed)

飲茶就當然要食點心，但係造型好特別，外貌好別緻嘅點心，你又食過未？😏呢間飲茶就係出名食一啲用好可愛嘅卡通造型整嘅精美點心。黎到就當然叫佢最出名嘅流沙奶黃包，流沙奶黃包上面有兩隻眼睛，好可愛。呢個奶黃係屬於質嘅一種，所以較有流沙嘅感覺。另外佢都有出綠茶流沙包，綠茶味香濃，唔會太甜，所以都好OK。另外佢都有個用一個雀籠載着嘅點心，裏面係三隻小鳥。其實佢係鳳梨酥，不過鳳梨酥比較普通，餡料唔算多，不過外表好吸引，造型加分！另外叉燒包都係必食之一，用好得意嘅豬仔造型來表達，蜜汁叉燒味道濃郁，好味！另外都叫咗一啲小食，有口水雞同埋川椒皮蛋，味道都唔錯。皮蛋酸酸甜甜，辣味都足夠。不過口水雞就比較肥膩，多肥膏。呢間餐廳如果帶啲小朋友來食，一定會好鍾意！