Ebeneezer's Kebabs & Pizzeria (Closed)

黎到差唔到下午四點，從門外望入去見到有四枱客人，我與朋友二人見有數張空枱就諗住揀張大埋邊坐，點知正想坐低個經理問我地係唔係兩位，如果係就要坐番二人枱，因為我地想坐果張係serve四人。坐低左又諗好叫咩食，可惜無人理，經理好忙整緊野，waitress執野睇我地唔到，最後又係經理一腳踢。我地order左三樣野食，芝士著條，羊肉卡巴，希臘雜菜沙律，再加一杯芒果奶昔。芝士薯條一半辣一半唔辣，分別試完之後，一致認同係辣的好味。羊肉卡巴不愧為推介，個味道好好，又辣辣地，其他配料都好足，Good！希臘雜菜沙律，好fresh，醬唔好太多，配合得剛剛好，而且好大碟。至於個芒果奶昔就失望，太杰，同埋個味怪怪地，唔多好飲 不過覺得佢唔播中東歌，靜靜地會仲好。