Video
Read full review
2024-07-31
345 views
Bookmark咗哩間店鋪好耐，今日得閒可以試試。店鋪裝修得好宮廷風，提供數款古裝比客人拍照用，好得意。店家提供9款小料比客人搭配，仲提供好特別嘅炸蔥油，唔錯。自家制足料竹蔗茅根，分量幾大。飲落竹蔗味好重，唔會好甜，好清爽嘅飲品。期間限定鴛鴦鹵水濃湯鍋，今次揀咗鹵水同豬肚湯底。鹵水湯底比較少見，係福建特色鍋底。鹵水落咗大量高湯，飲落醬香味十足，又唔會好鹹。艾莎公主牛肉寶盒，哩個寶盒真係不得了，提供數款牛肉。牛肉雪花分明，睇到都覺得高質。其中手切牛肉尤其出色，油脂分佈均勻，食落軟嫩牛味好香。伊比利亞橡果豬，豬肉睇落好似好肥，食落白色部分脆口彈牙，好似食咁脆骨，食得再多都唔會覺得滯。香香宮煮響鈴拼盤，響鈴分為兩種，鹹蛋黃味同普通口味。兩種響鈴炸得好鬆脆，落到湯底十秒已經可以食。響鈴嗦曬湯底鮮甜，又可以食到酥脆口感。紫菜櫻花蝦豬肉丸（四粒），好特別嘅豬肉丸。豬肉丸餡料豐富，可以食到粒粒蝦肉，口感Q彈。又伴有紫菜鮮甜味道，唔錯。皇帝菜，最後都要食D蔬菜才健康。皇帝菜特別嘅香味同豬肚湯底好夾，豬肚湯味道入到皇帝菜，食落更加鮮甜。
店家提供9款小料比客人搭配，仲提供好特別嘅炸蔥油，唔錯。
自家制足料竹蔗茅根，分量幾大。飲落竹蔗味好重，唔會好甜，好清爽嘅飲品。
期間限定鴛鴦鹵水濃湯鍋，今次揀咗鹵水同豬肚湯底。鹵水湯底比較少見，係福建特色鍋底。鹵水落咗大量高湯，飲落醬香味十足，又唔會好鹹。
艾莎公主牛肉寶盒，哩個寶盒真係不得了，提供數款牛肉。牛肉雪花分明，睇到都覺得高質。其中手切牛肉尤其出色，油脂分佈均勻，食落軟嫩牛味好香。
伊比利亞橡果豬，豬肉睇落好似好肥，食落白色部分脆口彈牙，好似食咁脆骨，食得再多都唔會覺得滯。
香香宮煮響鈴拼盤，響鈴分為兩種，鹹蛋黃味同普通口味。兩種響鈴炸得好鬆脆，落到湯底十秒已經可以食。響鈴嗦曬湯底鮮甜，又可以食到酥脆口感。
紫菜櫻花蝦豬肉丸（四粒），好特別嘅豬肉丸。豬肉丸餡料豐富，可以食到粒粒蝦肉，口感Q彈。又伴有紫菜鮮甜味道，唔錯。
皇帝菜，最後都要食D蔬菜才健康。皇帝菜特別嘅香味同豬肚湯底好夾，豬肚湯味道入到皇帝菜，食落更加鮮甜。
Post
