Video
Read full review
2023-07-30
47 views
最近轉左去上環返工，發現呢度竟然都有一間鮨鱗，之前食過尖沙咀分店覺得回味無窮，一直都想再去食，今次就慶祝我轉左新工，一於又食豪D，上環分店比尖沙咀分店細，但係當晚係full booking，所以記得要提早預約啊﹗今次亦係選了$1880套餐，包括有前菜、7種刺身、2種和食、6種壽司、湯和甜品，水準依然保持得好好。前菜北海道白粟米，非常清甜，有淡淡既粟米味。螺貝，非常彈牙。鱈魚片配南瓜蓉，鱈魚片香脆，配埋甜甜地既南瓜蓉，真係非常開胃。真鯛，來自愛媛縣，肉質細膩，含有豐富膠原蛋白，配辣蘿蔔蓉，蔥花及紫蘇葉花，味道更鮮美。岩手縣石垣貝肉質厚實且非常有口感，既不會太脆又不會太軟，風味相當鮮甜，味道和象拔蚌相若。來自北海道既間八，肉質肥厚，師傅已事先放了醬油燒香，亦放了柚子皮和wasabi來中和油膩感，口感香醇。長崎縣既伊左木魚油脂含量適中，口感軟熟，加入京蔥，然後用紫菜包住食，食落非常有層次。醬油燒扇貝，將扇貝略略燒到有D焦味，再用紫菜夾住，好香口。北海道昆布森真蠔，海水味濃，飽滿多汁，口感幼滑。味道鮮甜，配上酸汁及蔥，亦唔會蓋過蠔既原味。第一次可以一次過試哂唔同款式既吞拿魚，師傅用紫菜將赤身，
最近轉左去上環返工，發現呢度竟然都有一間鮨鱗，之前食過尖沙咀分店覺得回味無窮，一直都想再去食，今次就慶祝我轉左新工，一於又食豪D，上環分店比尖沙咀分店細，但係當晚係full booking，所以記得要提早預約啊﹗今次亦係選了$1880套餐，包括有前菜、7種刺身、2種和食、6種壽司、湯和甜品，水準依然保持得好好。
前菜
北海道白粟米，非常清甜，有淡淡既粟米味。
螺貝，非常彈牙。
鱈魚片配南瓜蓉，鱈魚片香脆，配埋甜甜地既南瓜蓉，真係非常開胃。
真鯛，來自愛媛縣，肉質細膩，含有豐富膠原蛋白，配辣蘿蔔蓉，蔥花及紫蘇葉花，味道更鮮美。
岩手縣石垣貝肉質厚實且非常有口感，既不會太脆又不會太軟，風味相當鮮甜，味道和象拔蚌相若。
來自北海道既間八，肉質肥厚，師傅已事先放了醬油燒香，亦放了柚子皮和wasabi來中和油膩感，口感香醇。
長崎縣既伊左木魚油脂含量適中，口感軟熟，加入京蔥，然後用紫菜包住食，食落非常有層次。
醬油燒扇貝，將扇貝略略燒到有D焦味，再用紫菜夾住，好香口。
北海道昆布森真蠔，海水味濃，飽滿多汁，口感幼滑。味道鮮甜，配上酸汁及蔥，亦唔會蓋過蠔既原味。
第一次可以一次過試哂唔同款式既吞拿魚，師傅用紫菜將赤身，中拖羅，燒腦天大拖羅夾埋一齊，中間放左wasabi 同京蔥，一次過試埋三種口感。
食完刺身，跟住就食天婦羅，天婦羅粉漿夠薄，有肉質嫩滑既愛媛縣門鱔，來自高知既青椒，宮崎既茄子，熊本既蕃薯，每一種蔬菜都係來自日本唔同既縣，特別係熊本既蕃薯，真係好甜。
岩手縣產赤貝，配上柚子皮，肉質獨特而濃厚的海洋鮮味， 口感爽脆無比，鮮甜味美。
靜岡縣產金目鯛，油脂含量適中，肉質細膩，魚肉嫩滑，油脂重，所以放左wasabi中和一下。
島根池魚，魚味濃郁，鮮嫩肥美，中間放有薑蔥，味道層次更為豐富。
大分縣產深海池魚，配上柚子胡椒，肉質鮮嫩肥美，油脂重厚，啖啖油香，入口甘香細膩。
牡丹蝦配燒香蝦膏，蝦肉香甜濃郁，肥碩，極富彈性，鮮爽無比。
北海道根室白海膽，份量十足，味道鮮甜清雅，有濃郁海水味。
大蜆湯，湯底清甜，用左大蜆來煮。
抹茶奶凍，黑豆甘露煮，以北海道3.6奶、宇治抹茶製成，口感幼滑，綠茶味濃。
Post
