吞POT 雞煲火鍋.住家菜 (Closed)

心血來潮想打邊爐 朋友推介呢間吞pot雞煲火鍋 就佢返工就揀左旺角分店 地方都算大 因為早食同埋我地兩個人唔洗等位就入得 食到中途就開始多人full 店員黎到就俾調味架我地自己整醬 見到有胡椒豬肚雞煲 就即刻揀左 因為平時都比較少食 我地嗌左半隻雞 但份量都好多 入面都有好多配料 豬肚枝竹粟米白蘿蔔等等 個湯底都好清甜 同埋越煲啲胡椒味越出 好正 連湯都可以飲埋 啲雞件就好滑 索到胡椒味 我地再嗌左啲配料加湯打邊爐 都好多選擇 牛羊豬都有 菜類都好多 不過食完雞煲都開始飽 所以冇叫好多配料今次揀左牛柳粒 平時好少用黎打邊爐 就試下 原來都唔會太韌食落好有牛味 蟹籽墨魚滑 都幾多蟹籽同埋算彈牙 娃娃菜就正正常常 但索左胡椒湯味好好食 好入味爆芝響鈴 好推介 真係好多芝士係入面 一人一舊都好夠食 估唔到芝士同響鈴咁夾