柏景餐廳 (Closed)

疫情關係，我哋一家三口總是困在家裏，最悶嘅都係小朋友。今日我哋決定出去酒店食下午茶☕️。食嘅係下午茶Tea set, 開頭都擔心食物分量精緻但細細件，老公會唔夠飽，食食吓見到隔離枱嘅食客要求添加，跟住服務員細心咁問客人想添加邊幾款，我先知道原來茶點可以添加，咁老公唔使食完下午茶再出去食個飯，哈哈！我鍾意佢哋呢方面嘅細心，係宜家酒店界下午茶競爭咁激烈嘅時候，呢個絕對係一大賣點。食物質素方面，雖然唔係超級精緻、超凡美味，但我認為食物質素合格，服務員亦相當有禮貌，咖啡亦唔錯，對得住佢嘅價錢。