Video
Read full review
2017-12-12
116 views
某日收到朋友邀請話想試吓呢間手工火鍋，第一眼望住三個魚字.....係唔識讀嘅睇完餐牌後決定試下個$198套餐，首先前菜揀左螺肉，都幾大粒幾好味！不過就多左啲醬，食得多會膩。跟住就黎個湯底，第一次就試下佢個招牌鴛鴦鍋，一邊係麻辣一邊係鮮魚湯，似乎係普通湯底，魚湯鮮味未見突出，麻辣湯底都幾濃味而且夠麻，不過嘴刁的我認為可以再辣啲！跟住黎左盤勁野就係我最喜愛嘅海鮮拼盤。拼盤有蝦、龍蝦仔、魚片、蜆同魷魚，各款海鮮都幾新鮮冇雪味，如果可以ENCORE就好啦！接住黎既係一份肉，我地揀左安格斯牛頸脊，份量都算多而且油脂分佈都幾適中，淥熟之後啲牛味更加出，一啲都唔肥，肉質幾軟，值得一試！！之後我地都點左啲配料，有蔬菜盤、蘿蔔蕃茄粟米、韭菜餃、丸類芝士腸同鮮腐竹等等，不過佢每樣野都只會俾兩件，所以至少要叫兩次先覺得夠食。特別推介佢嘅新鮮熱辣炸魚皮同響鈴，由於係新鮮炸架所以要即食，響鈴好食必推可惜又係只可以叫一次同埋得一舊，完全唔夠喉丫！唔知係咪餐廳之前係網上社交平台落左廣告，驟眼睇店內都幾爆，所以老闆同職員都幾忙唔多得閒照顧我地，出現有少少漏單情況，而食物質素同份量方面我認為可以控制得更好，期望下一次再
睇完餐牌後決定試下個$198套餐，首先前菜揀左螺肉，都幾大粒幾好味！不過就多左啲醬，食得多會膩。
跟住就黎個湯底，第一次就試下佢個招牌鴛鴦鍋，一邊係麻辣一邊係鮮魚湯，似乎係普通湯底，魚湯鮮味未見突出，麻辣湯底都幾濃味而且夠麻，不過嘴刁的我認為可以再辣啲！
鱻潮招牌鍋（四川麻辣拼鮮魚湯）
$198
21 views
0 likes
0 comments
跟住黎左盤勁野就係我最喜愛嘅海鮮拼盤。拼盤有蝦、龍蝦仔、魚片、蜆同魷魚，各款海鮮都幾新鮮冇雪味，如果可以ENCORE就好啦！
海鮮拼盤
9 views
0 likes
0 comments
接住黎既係一份肉，我地揀左安格斯牛頸脊，份量都算多而且油脂分佈都幾適中，淥熟之後啲牛味更加出，一啲都唔肥，肉質幾軟，值得一試！！
安格斯牛頸脊
13 views
0 likes
0 comments
之後我地都點左啲配料，有蔬菜盤、蘿蔔蕃茄粟米、韭菜餃、丸類芝士腸同鮮腐竹等等，不過佢每樣野都只會俾兩件，所以至少要叫兩次先覺得夠食。
任食配料
10 views
0 likes
0 comments
特別推介佢嘅新鮮熱辣炸魚皮同響鈴，由於係新鮮炸架所以要即食，響鈴好食必推可惜又係只可以叫一次同埋得一舊，完全唔夠喉丫！
手工魚皮、響鈴
12 views
0 likes
0 comments
唔知係咪餐廳之前係網上社交平台落左廣告，驟眼睇店內都幾爆，所以老闆同職員都幾忙唔多得閒照顧我地，出現有少少漏單情況，而食物質素同份量方面我認為可以控制得更好，期望下一次再黎幫襯時會有所改善啦
Other Info. :
兩人座位桌面空間比較細，基本上放左個鍋同海鮮拼盤都已經冇咩位置
(The above review is the personal opinion of a user which does not represent OpenRice's point of view.)
Post
