Read full review
2021-09-03
38 views
平時食開火鍋,通常都係啲任食😆今次試下好多人推介嘅尚鮮火鍋。主要聽講佢用料新鮮。因為唔想食得太heavy,所以要咗個姬松茸冬瓜湯底。Nice,姬松茸分量頗多,好香菇味。首先嚟咗個脆鯇魚片($72)。魚片切得好薄身,燈光打落去有種晶瑩剔透嘅感覺。新鮮唔腥,幾有嚼口。手切安格斯牛,推介👍🏻👍🏻👍🏻($209)。淨係個賣相已經贏咗。大概有六嚿,薄切,油脂分佈平均而不肥膩,非常香牛味。五秒就食得,每啖都係濃香嘅牛同油脂味,都唔使特別點醬。雙拼餃子($96)係鮮蝦雲吞同埋椰菜香菇水餃。味精味唔重,鮮蝦雲吞雲吞用料較充足,食落好紮實飽滿嘅感覺。黑豚肉片($55)都係薄切。不過我覺得呢個價錢食到就算薄切都咁有豬肉味嘅肉片,都算幾抵。最後叫個油麥菜($39)。好有心機剪咗頭頭尾尾,保留最翠綠新鮮嘅部分。醬料要收費,選擇其實都幾多。同場店員會留意&細心咁幫手篩走湯面的油,呢個就係小店嘅好處。Menu上面仲有好多其他款式,就留畀大家慢慢試了。
因為唔想食得太heavy,所以要咗個姬松茸冬瓜湯底。Nice,姬松茸分量頗多,好香菇味。
首先嚟咗個脆鯇魚片($72)。魚片切得好薄身,燈光打落去有種晶瑩剔透嘅感覺。新鮮唔腥,幾有嚼口。
手切安格斯牛,推介👍🏻👍🏻👍🏻($209)。淨係個賣相已經贏咗。大概有六嚿,薄切,油脂分佈平均而不肥膩,非常香牛味。
五秒就食得,每啖都係濃香嘅牛同油脂味,都唔使特別點醬。
雙拼餃子($96)係鮮蝦雲吞同埋椰菜香菇水餃。味精味唔重,鮮蝦雲吞雲吞用料較充足,食落好紮實飽滿嘅感覺。
黑豚肉片($55)都係薄切。不過我覺得呢個價錢食到就算薄切都咁有豬肉味嘅肉片,都算幾抵。
最後叫個油麥菜($39)。好有心機剪咗頭頭尾尾,保留最翠綠新鮮嘅部分。
醬料要收費,選擇其實都幾多。同場店員會留意&細心咁幫手篩走湯面的油,呢個就係小店嘅好處。
Menu上面仲有好多其他款式,就留畀大家慢慢試了。
Post