據我所知嗰間餐廳新開冇幾耐，所以想同啲同事上去坐下，試下睇下味道如何。聽番啲同事講嗰間餐廳嘅薯條麻麻哋，
千祈唔好嗌。 個心怯左一怯，咁就嗌咗其他比較安全嘅飯喇我自己呢就嗌咗個紅燴牛肉飯
然之後我同事就嗌咗一個白汁雞皇飯，都係一啲好標準嘅lunch。
我同同事都係覺得嗰兩個飯味道都係一般，個白汁雞皇飯就好似珍寶湯開出嚟嘅雞皇飯一樣，冇咩特別， 啲雞食落去，直覺仲好似覺得係一般嗰啲急凍雞扒解凍，然之後整出嚟嘅雞飯一樣。
紅酒牛肉飯呢有冇乜嘢特色嘅味道，令到我印象深刻， 牛肉嘅份量都係ok嘅，又唔會話太過慳料。
至於卡邦尼意粉，食落去嘅感覺似啲意粉未煮透一樣比較硬身，啲汁嘅味道都算係ok。
其實我哋都係當lunch啫， 中規中矩都冇乜嘢expectation嘅。如果你話想食一餐標準嘅晏晝，想簡單食飽自己嘅話，呢間都係一個可以嘅option嚟，俾個ok啦。
