Video
Read full review
2020-08-29
698 views
一直滿心期待，今日幾經辛苦終於可以嚟到呢一間餐廳。根據各大報刊嘅大肆宣傳，而且餐廳由Silencio同nobu嘅廚師開創，以為食物必定有很高的水準。今次所叫嘅幾道菜都係餐廳推薦嘅菜式。當中包括日本烤小青椒、芝士漢堡壽司、麵豉湯底叉燒拉麵（內包糖心蛋）、炒雜菇沙律以及炸粟米天婦羅（當中有好臭嘅cojito cheese作為醬汁）。果然佢地針對嘅客人主要係西方人，分量大得驚人。換句話講，勁大件抵食日本烤小青椒盛惠港元$78 ， 成碟都有成20條青椒，青椒烤得不錯但是不夠脆而且味噌調味用了太多，蓋過了本身小青椒嘅鮮味。麵豉湯底叉燒拉麵就中規中矩，有啲似以前食開味千拉麵嘅質地同味道，叉燒好大塊但係冇乜肉味，糖心蛋好似喺出邊訂返嚟咁搣開都唔係糖心，不過鬼佬開日本餐廳就係咁㗎啦。粟米天婦羅則粉多於粟米，而且上碟嘅時候係放喺一劈芝士上面，以致粟米天婦羅底部變林，唔得鬆脆。佢嘅招牌菜亦即係芝士漢堡壽司卷係名副其實嘅失敗之作。壽司卷入面冇飯剩係得搞爛咗嘅勉治牛肉一啲質感都冇，而且肉同芝士同紫菜嘅比例完全唔啱，肉多於芝士同紫菜，真係幾難食。唯一可以讚嘅就係佢嘅炒雜菇沙律，啲菇炒得幾脆沙律都幾新鮮。 今日啱
今次所叫嘅幾道菜都係餐廳推薦嘅菜式。當中包括日本烤小青椒、芝士漢堡壽司、麵豉湯底叉燒拉麵（內包糖心蛋）、炒雜菇沙律以及炸粟米天婦羅（當中有好臭嘅cojito cheese作為醬汁）。
果然佢地針對嘅客人主要係西方人，分量大得驚人。換句話講，勁大件抵食日本烤小青椒盛惠港元$78 ， 成碟都有成20條青椒，青椒烤得不錯但是不夠脆而且味噌調味用了太多，蓋過了本身小青椒嘅鮮味。麵豉湯底叉燒拉麵就中規中矩，有啲似以前食開味千拉麵嘅質地同味道，叉燒好大塊但係冇乜肉味，糖心蛋好似喺出邊訂返嚟咁搣開都唔係糖心，不過鬼佬開日本餐廳就係咁㗎啦。粟米天婦羅則粉多於粟米，而且上碟嘅時候係放喺一劈芝士上面，以致粟米天婦羅底部變林，唔得鬆脆。佢嘅招牌菜亦即係芝士漢堡壽司卷係名副其實嘅失敗之作。壽司卷入面冇飯剩係得搞爛咗嘅勉治牛肉一啲質感都冇，而且肉同芝士同紫菜嘅比例完全唔啱，肉多於芝士同紫菜，真係幾難食。唯一可以讚嘅就係佢嘅炒雜菇沙律，啲菇炒得幾脆沙律都幾新鮮。
今日啱啱開封但係堂食得幾丁人，兩位外籍老闆與坐在餐廳外側嘅兩個「美女」「談心」令我食慾大減，未食晒啲嘢就急急腳離開。
總括而言，如果你係以鬼佬嘅角度去睇日本菜，呢間餐廳係OK的。若你問我我應該不會再回顧。
Post